Daxwiyaniyeke Rojnamevanî
Desteya Giştî ya Hevbendiya Niştimanî ya Sûrî, civatên xola 58an li Stambolê herdû rojên 10-11 êlona niha lidar xistin, û xolê bi kêliyeke bêdeng û xwendina fatîheyê li ser giyanî pakrewanên şoreşa Sûriyê dest pê kir, û piştre Serokê Hevbendiya Niştimanî Salim Elmislit gotara destpêkê piştî ku raporên karê herdû heyvên derbasbûyî danî pêşiya amadebûyan xwend, li rex raporên Serokatiyê û Cîgir û Emîndariya Giştî.
Û Serokê Hevbendiyê di gotara xwe de li ser karê endamên Hevbendiyê û nûbertiya wan bo gelê Sûrî û pêwîstiya pêkanîna guhertinê di şêweyê kar de axivî, daku rakirina asta şarezayiyê misoger bibe, û pabendî bi berpisyariyê û pêwendiyên bi awayekî baştir li gel milet û pêkhatên ku endam nûnertiya wan dikin bibe, û cextî li ser mafê gelê Sûrî yê dîtina saziya Hevbendiyê bi rengek çalak û berhemdar û parastî kir.
Û Serokê Hevbendiyê diyar kir ku ti kes ji lêpirsînê parastî tune ye, û rewatiya nûnertiya herkesî cihê hûrbînkirinê ye, û Serok gotara xwe bi veguhestina dengê gelê Sûrî yê bendewarê kar e, û dixwaze ku Hevbendî û sazî û endamên wê li ser zemînê li kêleka wan bin bidawî kir.
Û Cîgirên Serok û Emîndarê Giştî şiroveyên karên xwe yên herdû heyvên bûrî pêşkêş kirin.
Û Desteya Giştî raporên Hikûmeta Sûrî Ya Demkî û yên Desteya Danûstandinê ya Sûrî û yên Komîteya Destûrî û Yekîneya Hevrêzkariya Piştgiriyê berçav kirin, û raporên ofîs û komîte û nûnergehan hatin pêşkêşkirin.
Û Wezîrên Hikûmeta Sûrî ya Demkî şiroveyên hûrbîn li ser giringtirîn kar û serkeftiyên Wezaretan û dijwariyên ku rastî wan tên pêşkêş kirin, û deriyê gengeşiyê li ser çalakiyên Hikûmeta Demkî li ser curbecur asteyan vebû.
Û Serokê Desteya Danûstandinê ya Sûrî Enes Elebde, giringtirîn pêşketinên pirosesa siyasî û encamên civatên Desteyê û hevdîtinên wê li gel dewletên xwedî-bandor di doseya Sûrî de û hevdîtina li gel Şanderê Navdewletî yê Netewên Yekbûyî Geir Pedersen berçav kir.
Û Serokê Hevbeş yê Komîteya Destûrî Hadî Elbehra, şiroveyek li ser rewşa pûçbûn û jikarêxistinê yaku komîte bi sedeme helwestên rijêmê rastiyê tê pêşkêş kir, û got ku rijêmê bi rêşûnên xwe gewhera Komîteya Destûrî û dariştina destûrê nû bo welêt binpê kir.
Û Rêvebirê Yekîneya Hevrêzkariya Piştgiriyê Mihemed Heseno raporek li ser kar û pirojeyên Yekîneyê pêşkêş kir, û rapor bi pirsên amadebuyan û bersivên Serokê Yekîneyê zengîn bû.
Û Hadî Elbehra wek Nûnerê Hevbendiyê û Serokê Komîteya Rênimandinê Di Sendoq Qerzdanê bo Nûavakirina Sûriyê (SRTF) de raporeke hûrbîn li ser kar û çalakî û pirojeyên Sendoqê yên girîng pêşkêş kir, û gengeşe li ser giringtirîn beşên karê Sendoqê hate kirin.
Û civîngeran ketwarê meydanî û helwestên leşkerî di bin çavan re derbas kirin, nemaze pêşketinên li Deraa û Idlibê û rola Hevbendiyê di qonaxa niha de.
Û li ser asta siyasî civîngeran rewşa navdewletî ya aloz û asoyên nûkartêkerkirina helwestên navdewletî ji bo piştgiriya veguhestina siyasî û bidawîanîna dema tawan û stemkariyê li Sûriyê axivîn.
Û Desteya Giştî tekezî li ser pêdviya tevaya saziyên hêzên şoreşê ku hîn bêhtir kar bo deverên rizgarkirî bikin kir, û ku piştgiriya pirogram û çalakiyan bibe, û hîn bêhtir xizmetkarî dabîn bibin, û bi awayekî cidî pêwendî li gel saziyên civaka sivîl û pêkhatên gelêrî û xelkê re bi rengekî yekser pêk werin.
Û civîngeran tekez kirin ku kartêkerkirina Baregeha Hevbendiya Niştimanî li deverên rizgarkirî karekî berdewam e, daku ji saziyên Sûrî yên pêşeroj re bibe nimûne.
Û behsa doza girtî û windayan bû, û Desteya Giştî rapora Desteya Niştimanî ya karûbarên bêserûşûn û girtiyan ya herdû heyvên bûrî temaşe kir, û endamên Hevbendiyê li ser kar û tevgera Desteya Niştimanî axivîn, di riya pêşkêşkirina raman û pêşniyaran re, daku guhdana navdewletî bi vê doseyê zêde bibe, û dengê girtiyên azadîxwaz li ser asta cîhanê were guhdarîkirin.
Û Desteyê giliyên ku dijî kiryarên hin endaman li deverên rizgarkirî wergirtin, û endaman cextî li ser giringiya ku serdariya yasayê were sepandin kirin, û ku destdirêjî û binpêkirin werin şopandin, û bi awayekî zelal lêpirsîn têde çê bibe, û ji bo ku yasa û dadwerî pêk were, û mafê hemî aliyan bête dayîn.
Û Desteya Giştî cextî li ser pêwîstiya ku em destê xwe berve tevaya hêzên şoreşgerî dirêj bikin kir, û têkliyên baş bi hemûyan re pêk bînin, û bi hevre wek destekî bixebitin, daku berdewamî di rêya şoreşê de misoger bibe, ta bighêje pêkanîna hêviyên gelê Sûrî di rizgariya ji rijêma tawanbar û pêkanîna azadî û serxwebûnê, û dewleteke sivîl û demoqrat a nûjen bo tevaya welatiyan ava bibe.
Dilovanî bo giyanê pakrewanan û saxlemî bo birîndaran û azadî bo girtiyan
Serkeftin bo şoreşa Sûriyê
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
14 êlûna 2021
