Serokê Hevbendiya Niştimanî ya Sûrî, Salim Elmislit, û Serokê Desteya Danûstandinê ya Sûrî, Enes Elebde, û cîgirê Serokê Hevbendiyê yê Karûbarê Derve, Ebdilehed Istêfo, duh li bajarê Stanbolê li gel Şandarê Navdewletî Geir Pedersen civiyan, û di hevdîtinê de Serokê Hevbeş yê Komîteya Destûrî, Hadî Elbehra, di riya odeyeke tilfizyonî re amade bû.
Û Şandarê Navdewletî encamên serdan û karên pêşdebirina pirosesa siyasî û jinûdestpêkirina karê Komîteya Destûrî berçav kirin.
Û Elmislit got ku li gor encamên berê, pirosesa siyasî ji aliyê rijêmê de astengkirî û paşxistî bû, û civaka navdewletî jî bi awayekî nerênî pê re da û stand, û got ku tiştekî nayê aqilan ku Komîte pênc caran bi dirêjiya 22 heyvan lidar bikeve, bêyî ku peyvek tenê jî ji destûrê bête nivîsîn.
Û Serokê Hevbendiya Niştimanî daxwaza pêwîstiya vekirina tevaya rêyên veguhestina siyasî, yên ku di biryara navdewletî 2254an de hatine kir, nemaze avakirina Desteya Desthilata Veguhêz bi tevaya karînên wê yên cîbicîkar.
Û Elmislit cextî li ser pêwîstiya hebûna mîkanîzmên kar li gor demeke destnîşankirî kir, bo bicîanîna destûr û rêyên dîtir ên biryara navdewletî, daku rûbirûyî astengiyên ku rijêm bo berepêkan diafirîne bibe, û nehêle rijêm demê winda bike.
Û Serokê Desteya Danûstandinê tekezî li ser pêkanîna pêşketineke rasteqîn di doza girtiyan bo serbestberdana wan di leztirîn dema pêkan de kir, û cext kir ku mana wan di girtîgehan de pirosesa siyasî hildiweşîne û baweriyê bi pirosesê nahêle.
Jêder: Ofîsa Ragihandinê ya Hevbendiya Niştimanî ya Sûrî
