Daxwiyaniyeke Rojnamevanî
Desteya giştî ya Hevbendiya Niştimanî ya Sûrî xola xwe ya 55emîn li deverên rizgarkirî rojên 14-15 vê heyva adarê lidar xist, û Serokê Hevbendiyê D. Nesir Elherîrî civat bi kêliyeke bêdeng û xwendina sûreta fatheyê li ser giyanê pakrewanên sûriyê dest pê kir, û pîrozbahî da gelê sûrî bi boneya cejna dehemîn a şoreşa sûrî ya gewre, û tekezî li ser riijdiya gelê sûrî li ser rizgarbûna ji rijêma Esed ya tewanbar û bidestxistina serkeftin û pêkanîna armancên gelê sûrî bo gihiştina sûriya nû û dewleta sivîl û demoqrat yaku dê azadiyên giştî û taybet û mafên welatiyan ji tevaya pêkhatan re misoger bike kir.
Û Desteya Giştî ya Hevbendiya Niştimanî biryarên Desteya Siyasî yên dema bûrî pesend kirin, ew biryarên ku têde giringî dane hejmarek ji pêngavên çaksaziyê di bingeh û pergala Hevbendiyê de, daku nûnertiya jinê bêtir bike, û rêxistinkirina nûnertiya tabûrên leşkerî di Hevbendiyê de ji bo ku bi rewşa nû ya Artêşa Niştimanî ya sûrî re guncayî be.
Û her weha Desteya Giştî li ser peymana şoreşa sûrî bo mafê mirovan û azadiya giştî yaku gewherê doza gelê sûrî ye di daxwazên azadî û dadwerî û pêkvejiyanê di hembêza dewleta demoqrasî û rûmet û wekheviyê di navbera hemû xelkên wê de pesend kir, da ku derfetên afrandin û geşepêdan û xêr û xweşiyê ji gel re dabîn bike.
Û Desteya Giştî behsa mîkanîzmên avakirina hevpeymaniyeke navdewletî bo sizakirina tewanbarên cengê di rijêma Esed de kir, her weha avakirina hevpişkiyên kartêker li gel dewlet û saziyên navdewletî di vî warî de, û pêşwaziya hewldanên navdewletî bo sizakirinê kir, her weha pêşwaziya hewlên navdewletî yên pêşkêşkirina destpêşxeriyan bo livandina pirosesa siyasî li sûriyê di çarçoveya Cinêvê û biryara 2254 de kir, nemaze di civatên dawîn li Qeterê, û tekezî li ser giringiya tevgereke Erebî bo piştgiriya aliyê navdewletî yê ji bo sizakirina rijêma tewanbar û çi derfetê nedin rijêmê ku xwe careke din bide pêş, di riya vegera bo Komkara Dewletên Erebî re.
Û Desteya Giştî behsa amadekariyên têr û tesel bo lidarxistina ahenga bîranîna dehemîn a şoreşê li gundewarê Helebê kir, tevî danîna peykerê bîranîna pakrewanên şoreşa Sûriyê, û Desteyê bal kişand ser ku ew ê beşdariyê di ahenga ku dê li bajarê Efrînê di roja 21 adarê de bi boneya Cejna Newrozê li dar bikeve bike, ya dê bi beşdariya hejmarek ji partiyên siyasî û hêzên şoreşgerî û çalakiyên civakî û sivîl be, wek derbirînekê li ser yekîtiya di navbera gelê sûrî de, gelê ku rijêma Esed stemkarî bi serê hemûyan kiriye û ew ji mafên wan ên çandî bêpar kirine, rijêma ku tevaya pêkhatên gelê sûriyê êşa stemkariyê ji dest wê dîtine.
Û Serokê Hevbendiya Niştimanî şiroveyek têrûtesel li ser rengê şoreşa aştiyane û armancên wê di avakirina sîstemeke berdêl û beşdariya cûrbecûr beşên gelê sûrî têde, bo azadî û rûmet û dadweriyê, û çawa ku rijêma tewanbar bi kuştinê bersiv daye gel pêşkêş kir, û Serokê Hevbendiyê şêweyê xwînmij li ba rijêmê wek rêbazeke resen yaku bûye sedema şehîdbûna bêhtir ji melyonek sûrî û bûye sedema koçberkirin û derbiderbûn û penaberbûna zêdetir ji 14 melyon sûrî û rûxandina bêhtirê jêrxaniyên welêt, ta bighêje rewşa perîşankirin û derddarkirina gelê sûrî yê ku derdora 90% jê di bin xêza hejariyê de ne, diyar kir.
Rêbaza leşkerî ya xwîndar ya rijêma tewanbar di pirosesa siyasî de eşkere dibe, di riya redkirin û nepejrandina çi pêngavên rawestandina derdeseriyên sûriyan û metirsiyên cidî yên di cûrbecûr waran de rastî welêt tên, û hişt ku gerên danûstandinê yên li dû hev li Cinêvê û yek jê Komîteya Destûrî di valahiyê de bizîvirin û demê winda bikin, ew jî di riya piştgiriya bêsînor ji aliyê Rûsiya ve di cenga xwe ya tewanbarî dijî welatê me, û rola Îranê ya metirsîdar ya ku sînorê piştgiriyê derbas dike, û hewlên xwe dike ku derbasî nav civaka sûrî bibe, û ji hundir de wê jihev bixe, li gor pirojeya Îranî a metirsîdar dijî hejmarek ji dewletên Ereb, û Serokê Hevbendiyê di şiroveya xwe de li ser herdû serdanên serkeftî bo Dewleta Qeter û Herêma Kurdistana Îraqê yên bira axivî.
Û Cîgirên Serok û Emîndarê Giştî pêşniyarin bi kurtasî li ser giringtirîn çalakiyên ku pê rabûne li kêlek karê rêvebirî û ofîsên ku serpereştiya wan dikin pêşkêş kirin, û di dûv re hejmrek mezin ji Endamên Hevbendiyê tevlî gengeşeyeke berfireh bûn.
Û Serokê Desteya Danûstandinê ya Sûrî birêz Enes Elebde, li ser dawîtirîn pêşketinên di pirosesa siyasî de û hevdîtinên li gel şandê navdewletî û pêşkêşkirina pêşniyarên desteyê li ser giringiya karê cidî û ku bi darê zorê bihêlin rijêm pabendiyê bi biryarên navdewletî bike û ne tenê di Komêteya Destûrî de bimîne axivî, her weha behsa pêwîstiya tevlêbûna bingeha daxwiyaniya Cinêvê, nemaze ji aliyê avakirina desteya hikumdariya veguhêz de kir.
Û Serokê Hevbeş yê Komîteya Destûrî birêz Hadî Elbehra, dawîtirîn pêşketinên taybet bo Komîteya Destûrî berçav kirin, û bendewariya jivaneke nû bo gera destûrî ya şeşemîn bête nîşankirin, û ku ew di nav pêşniyara ku xwestekên şandê opozisyonê ji şanderê navdewletî re pêşkêş kirine de bin.
Ji aliyê xwe ve Serokê Hikûmeta Sûrî ya demkî birêz Ebdulrihman Mustefa şiroveyek hûrbîn pêşkêş kir, û têde li ser karên ku Hikûmeta Demkî tev Wezaretên wê yên cûrbecûr pê rabûye wek piroje û xizmetkarî û serdanan û karên niha têne kirin axivî, û bersiva pirsên ji aliyê hejmarek ji Endamên Hevbendiyê jê hatine kirin da.
Û Endaman raporên karê Yekîneya Hevrêzkariya Piştgiriyê û pirojeyên wê û karên ku Sendoqa Qerzdanê kirine û pirojeyên bicî hatine û xizmetkariyên cuda yên bo nişteciyên deverên rizgarkirî têne pêşkêşkirin her weha giringiya van pirojeyan di dabînkirina aramiyê de temaşe kirin.
Û Desteya Giştî raporên Hevrêzkarên Ofîs û Komîteyan gengeşe kirin, û civat demeke dirêj li ser Ofîsa Têkliyên derve rawestiya, û guhdarî şiroveya Hevrêzkarê Ofîsê kir, her weha şiroveyên Nûnerên Hevbendiyê li Emrîka Fransa, Almanya, Brîtanya, Italya, Bruksel, Urdin, Misir û Qeter û nûnerê Hevbendiyê yê NY li New Yorkê.
Û di roja duyemîn de Ofîsa Girêdanên Leşkerî raporek li ser rewşa meydanî û karên dijminkarî yên ku rijêm û hevalbendên wê yên Rûs pê radibin û bombebarana dijî avahiyên sivîl û armanckirina deverên ewle berçav kirin, û raporê tekezî li ser amadekariyên bilind yên Artêşa Niştimanî bo rûbirûbûna çi hewldanên binpêkirina rêkeftina kêmkirina şer kir.
Û civat di gengeşeya raporên sendîke û Komîteya Şopandina Cîbicîkirina Yasaya Qeyser û Desteya Niştimanî ya Karûbarên Girtî û Windayan û Şêwirdariyên Stratîcîk û Belge û Lêkolînan û Penaber û saziyên civaka sivîl û partî û kutleyên siyasî û revendan temam kirin, û dûv re ketwarê meydanî û siyasî û asoyên kar û guhertinên pêşbînkirî gengeşe bûn.
Şikodarî û nemirî bo pakrewanan
Azadî bo girtiyan
Serkeftin bo şoreşê
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
15 adara 2021
