Daxwiyaniyeke Rojnamevanî
Hevbendiya Niştimanî ya Sûrî pêşwaziya sizayên Birêtanî yên nû li ser endamin ji rijêma Esed dike, her weha baweriya xwe tîne ziman ku Birîtaniya wê bi alîkariya gelê sûrî li ser astea diplomatsî û siyasî û mirovahî pabend be, û em çavlirê ne ku hîn bêhtir pêngavên Birêtanî xurtir bibin, li gel Emrîka û Yekîtiya Ewropa, û em dibînin ku Birêtaniya dikare roleke mezin derbarê sepandina çareya siyasî li ser rijêma Esed bileyze, her weha misogerkirina veguhestina desthilatê bo hikûmeteke veguhêz ya xwedana tevaya desthilatan li gor biryarên Encûmena Ewlekariyê û di serî de herdu biryarên 2018 û 2254.
Gurzê sizayên Birîtanî kesayetin nêzîkî Serokê Rijêmê bijartine, û dê bandora xwe ya yekser li ser van kesan hebe, û em bihêvî ne ku aliyên navdewletî cezayin aborî yên tund li ser rijêmê, û li ser bilindtirîn astan dijî berjewendiyên Rûsî û Îranî bisepînin, her weha kesayetên tevî tewanîn cengê û tewanên dijî mirovahiyê dermafê gelê sûrî bûne.
Doseya rijêma terrorîst bi lîsteyeke dirêj ji tewan û karên teroristî dagirtî ye, û berê jî rijêmê gef li Birêtaniya kiribûn, û Birêtaniya têkliyên xwe yên diplomasî li gel rijêmê cara yekemîn di sala 1986an de birîn, ew jî li ser xwedîkirina rijêmê ji terorê re bû.
Hevbendiya Niştimanî doseya sizakirinê ya li ser rijêmê hatiye sepandin di riya ofîsên pispor re dişopîne, bi hêviya ku hevkarî li gel Hikûmeta Birêtanî xurt bibe, ji bo misogerkirina kartêkerbûna sizayan, her weha lidûvçûna hewldanên reva ji sizayan di riya kampaniyên sexte re.
Hevbendî cextê dike ku çi sizadana hebe, divê li ser rijêmê û zilamên wê be, û bi çi awayî nîzê sivîlên gelê sûrî nebe.
Pêngavên ji civaka navdewletî têne xwestin li ser bingeha yasayî û rewayî ji aliyê Encûmena Ewlekariyê ne û di serî de biryara 2254, daku veguhestina sûrî berve sîstemeke demoqrat û sivîl bibe, û azadî û mafên tevaya xelkê sûriyê di bin siya Mafên hemwelatîbûnê de misoger bike.
Û Em cextiyê li ser pêwîstiya girêdana sizayên navdewletî bi awayekî yekser û bi pêngavin cidî ji aliyê rijêmê û Hevalbendên wê ve derbarê çareya siyasî dikin, û di nav de pêngavên pirosesa berve serbestberdana girtiyan.
Rijêm astengiya sereke ye di rêya çareyê de, û ew dikare di riya pêngavin nîşankirî re pirosesa siyasî bilivîne, û derî li pêşiya çakkirina rewşê û sivikkirina fişarên li ser gelê sûrî veke.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
15 adara 2021
