Daxwiyaniyeke Rojnamevanî
Hevbendiya Niştimanî ya Sûrî pîrozbahiyên germ ji gelê sûrî re di vê boneya awarte de pêşkêş dike, bîranîna qedir giran, bîranîna dehemîn ya destpêkirina şoreşa sûriyê ya gewre, ew şoreşa ku ji rojên pêşî de giringtirîn armancên xwe pêk anîne, û peykerê rijêma tirsê yaku çeteyên Esed bi dirêjiya salan ava kirine rûxand, û hindik maye ji rêya berve temamkirin û çespandina sîstema demoqrasî û sivîl û piralî re, heye ev rê dirêj be û heye kin be, tev bi kar û xebata û beşdariya me ve têkildar e.
Dîrok danpêdanê bi nîv şoreşan nake, lewra ji bilî berdewamiya kar ti rêyek din li pêşiya me tune ye, û em piştrast û bawer in ku dê ev şoreş armancên xwe bi temamî pêk bîne, ta bighêje dewleteke sivîl û demoqrat û piralî, ya ku dê her sûriyek cihê xwe têde bibhîne, dewleta li ser bingeha hevwelatîbûna wek hev û serweriya yasayê ava be, dewleta ku rêzê li hemû xelk û pêkhatên xwe bigre, dewleta ku qedrê jinê û zarokan tê de hebe, û rê li pêşiya ciwanan veke, dewleta dikare ku rûpelekî nû veke, û bingeha jiyaneke rûmetdar ji me û nifêşên dahatî re ava bike.
Ji azadxwazên cîhanê tê xwestin ku rêzê li qurbaniyên ku vî gelê gewre ji bo azadiyê dane bigre, û kar ji bo rizgarkirina bi dehhezarên girtîyên di zîndanên rijêmê de bike, û alîkariyan bo bi melyonên koçberan pêşkêş bike, û fişarê li hikûmetan bike ji bo ku aliyên navdewletî û saziyên mafnasî berpisyariyên xwe derbarê wan hilgirin.
Ji cîhanê tê xwestin ku piştgiriyê bide bêgunehên li sûriyê, û rewatiyê ji ser rijêmê rake, û wê ji saziyên navdewletî biqewtîne, û alîkariyê bide azadîxwazên sûriyê di xebatên dijî rijêmê de, û pirojeyên Rûsî bo biserxistina rijêmê û nûkirina wê bişkîne, û li hember pilanên rjêma Îranî yên berfirehkirina zalbûna xwe û belavkirina nefret û mezhebperestiyê rawestin.
Di vê boneyê de vexwendin bo tevaya hêzên siyasî û kesayetên çandî û ramangîrî yên sûrî vekirî ye, ji bo diyalogên cidî di nava civakê de vekin, û têde li ser rêyên ku xizmeta vî welatî û bo rizgarbûna wî li ser hemû astan lihev bikin, û van diyalogan çalak bikin, û piştgiriya pirojeya diyaloga niştimanî ya bi siponseriya Hevbendiya Niştimanî ji çend heyvan de lidar e bikin, û wan diyalogan berve ancamên erênî de bibin.
Îro, piştî deh salên dijwar, ji me tê xwestin ku em sûdê ji vê rawestgehê bibînin, û lêvegereke cidî çêbikin, û kar binirxînin û şaştiyan serrast bikin, û hemû fakteran deynin ber çavên xwe, ji ber ku giringiya her yekê ji wan di rûbirûbûna astengiyên salên dahatî de heye.
Ti rêyeke kurtkirî an şêwazek bo xweavîtina di ser qonaxan re nîne, û ger em van alozî û kêşeyan piştguh bikin em biser nakevin, ji ber ku ew astengî ji ber xwe ve narin, divê em giyanê ku şoreşê di riya xwepêşandanan re sala 2011 li bajar û gund û bajarokên sûriyê belav kiriye vegerînin, û destpêşxerî û hêviyan bi dest xwe ve bînin.
Berdêl li pêşiya çalakvanên şoreşê û hêzên wê nîne, ji bilî ku çalakiyên xwe vejîn bikin, û li her cihekî tevlî karê şoreşgerî û siyasî bibin, li hundir û derve, li penageh û welatên koçberiyê, divê em ezmûna ku bi dirêjiya deh salan li bal me kom bûye, bikin piştgirî bo ku rêya xwe berve serkeftin û azadî û aştiyê bidomînin.
Îro em ahengan di bîranîna dehemîn a şoreşê de li dar dixin, em hêvîdar in ku ev dawîtirîn dema me ya penaberî û derbiderî û girtin û koçberkirin û peyketin û îşkencedanê be, û di bîranîa şoreşê ya sala were de armancên azadî û dadwerî û rûmetê pêkhatî bin, û me karîbe veguhestina siyasî bicih bînin, û rijêmê ji holê rakiin û hêzên dagîrker û yên pêre alîkarî kirine ji welêt derketî bin, û em tev li meydanên sûriyê pesnê azadiyê bidin.
Şikodarî ji lehengên şoreşê û yên bi wan re rawestiyane re,
nemirî ji pakrewanên şoreşê re,
azadî ji girtiyan re, saxlemî ji birîndarên wê re.
Bijî Sûriya û gelê wê bi azadî û serfirazî.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
14 adara 2021
