Daxwiyaniyeke Rojnamevanî
Hevbendiya Niştimanî ya Sûrî, dibîne ku pêşwazîkirina tawankarê cengê Beşar Esed ji bo beşdariya di Lûtkeya Erebî de, xelatek e jê re li ser tawanên wî yên ku li dijî gelê Sûriyê pêk anîne, û paşguhkirin e ji qurbaniyên Sûriyê yên sertaserê bêhtir ji 12 salan re, û wek ku nema qurbaniyên ku li benda dadmendiyê ne tînin bîra xwe, û destberdan e ji gelê Sûriyê yê serhildêr ê ku daxwaza azadiyê dike.
Esedê tawankar nûnertiya Sûriya gewre nake, û hebûna rijêma tawankar li ser kursiya Sûriyê di Komkara Erebî de, tê wê wateyê ku Îran bi rêya nûnerê xwe û hilgirê ejindeya xwe û yek ji alavên xwe yên cîbicîkirina berfirehkirina xwe ya kîndar beşdarî civînê dibe, û behaneya dana derfetekê ji rijêma Esed re, windakirina demê û berepêk in, û dê tenê bibe sedema kuştin, girtin û tirajîdiya zêdetir, ji ber ku rijêma Esed xwedana doseyeke berfireh a xapandin û derew û astengkirina her proseyeke siyasî ya girêdayî Sûriyê ye.
Nayê pejrandin ku hin dewlet li vê rijêma tawankar weke rijêmeke rewa binêrin, piştî ku bi sedhezaran tawanên cengê û tawanên dijî mirovatiyê dermafê gelê Sûriyê pêk anîne, weke ku tê zanîn ev rijêm tenê lîstokeke ku Rûsiya û Îran li gorî berjewendî, helwest û vîna xwe wê bi rê ve dibin, wek berdêl ji tiştên ku pêşkêşî wê kirine, bi kuştina sûriyan û piştgiriya makîneya wê ya leşkerî.
Gelê Sûriyê dest ji hêviyên xwe di azadî û serxwebûnê de bernade, eger ew bi tena serê xwe jî bimîne, dê şoreşa xwe bidomîne, û li dijî Esed serî hilde, heta ku azadiya çaverêkirî û dadweriyê bi dest xwe ve bîne, û Sûriyeke demokrat ava bibe, û ti rê ji bo wê yekê nîne ji bilî kartêkerkirina dadpirsînê ji aliyê civaka navdewletî ve, û pêkanîna veguhastina siyasî û karê bi awayekî cidî ji bo cîbicîkirina biryarên navdewletî yên girêdayî Sûriyê nemaze biryara 2254.
Serkeftin bo şoreşa me, azadî bo girtiyên me, bijî Sûriya, û ruxandin ji tawankar Beşar Esed re.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
19 gulan 2023