Serokê Hevbendiya Niştimanî ya Sûrî Salim Elmislit, hejmarek ji nameyan arasteyî wezîrên derve yên dewletên Ereban û Komkara Erebî û Rêxistina Hevkariya Îslamî û Encumena Hevkariya Kendavê kir, û têde nerazîbûna gelê Sûriyê ji pêngavên dawî yên ku bi rijêma Esed re li Sûriyê hatine avêtin, anî ziman.
Û Elmislit careka dî tekez kir ku sedemên birrîna têkiliyan bi rijêma Esed re hîn hene, û divê neyên paşguhkirin an jibîrkirin, û got ku nepêkan e ev pêngav bihêlin çareseriyeke siyasî li Sûriyê peyda bibe, berovajî wê ev rijêma tawankar dê ji wê yekê sûdê werbigire, da bêhtir hovîtî û komkujiyan li dijî gelê Sûriyê pêk bîne.
Û Elmislit bal kişand ser wê yekê ku Rijêma Esed xwedî dîrokeke dirêj a pêkanîna kiryarên hovane li dijî gelê xwe ye, û piştgiriya milîsên terorîst ên curbicur, ên ku bûn sedema kuştina bi hezaran û awarebûna bi milyonan ji Sûriyê dike, û her wiha berpirsyar e di ber têkdana ewlehî û aramiya deverê de, ji ber ku Sûriye kir navendek ji bo terorîzma sînorbirr a ku Îran serkêşiya wê dike, û bû navendek cîhanî ji bo berhemdan û hinartina keresteya Captagonê ya hişbir.
Û Elmislit cext kir ku kiryarên rijêmê ên wêrankarî li Sûriya û deverê û cîhanê, metirsiyek cidî ne li ser aştî û ewlehiya herêmî û navdewletî, û ziyanê digihîne hejmareke mezin ji xelkê, û got ku ji bo pêkanîna aştiyeke mayînde li deverê, pêwîstî bi rawestandina kiryarên terorîstî yên Tehranê li dijî gelên deverê heye, li şûna ku wê bihêz bikin di riya rewakirina yek ji peyayên wê re.
Û Elmislit tekez kir ku gelê Sûriyê helwesta xwe eşkere kir ku ew her hewlên asayîkirina têkliyan bi rijêmê re red dike, û pabendbûna xwe bi piransîpên şoreşa Sûriyê û berdewamiya xebata xwe ji bo Sûriyeke azad û demokratîk di riya şêwazên aştiyane re diyar dike, û daxwaza rêzgirtina li daxwazên wî û piştgiriya hewldanên wî yên ber bi paşerojeke baştir de kir.
û daxwaza kar ji bo pêkanîna veguhêzeke siyasî li Sûriyê û cîbicîkirina hemû biryarên navdewletî yên girêdayî karûbarên Sûriyê, nemaze peymana Cinêvê û biryarên 2118 û 2254 kir, her weha mana dûrxistina rijêma Esed û dadpirsînkirina wê li ser kiryarên wê yên hovane.
Jêder: Ofîsa Ragihandinê ya Hevbendiya Niştimanî ya Sûrî