Emîndarê Giştî yê Hevbendiya Niştimanî ya Sûrî Heysem Rehmê, dît ku Komkara Erebî ji bo çareserkirina “kirîza Sûriyê”, wek wê nav lê kiriye, berve rêyeke şaş de çû, û tekez kir ku pêwîstiya çareseriyê bi bizavin rasteqîn ên Komkara Erebî hebû, ji bo pêkanîna biryara 2254 û cîbicîkirina wê bi hêza Erebî û bi hevkariya herêmî û navdewletî, ji bo parastina gelê Sûriyê ji kujerê wî yê ku rêbaza leşkerî bi hemû şêweyên qirêj li pêş çavê cîhanê bi giştî û yê Ereban bi taybetî bikar anî.
Û Rehmê got ku xala sêyem ji daxwiyaniya Komkarê ti armancê pêk nayne, ta bi pêşniyara “gav bi gavê” jî bi cî nayê, û dît ku sîstema erebî di warê sincî û siyasî xwe xist rewşeke xerab de, ji ber ku çavê xwe ji komkujî û tawanên tirsnak ên dijî mirovahiyê ên rijêma Esed girtin, û bi vegerandina wê ya bê şert û merc bo nav Komkarê, derfet nema dan xwe ku karibin berpisyariyê hember tiştên ku rijêma Esed dê dijî gelê Sûriyê di qonaxa dahatî de pêk anîne hilnegrin.
Û Rehmê cext kir ku helwesta gelê Sûriyê li hember rijêmê ji karvedana gel bi xwe tê naskirin, û helwest diyar bû dema deverên rizgarkirî li dijî vegera rijêma tawankar bo Komkara Erebî rabûn, û gotin ku yê nûnertiya Sûriyê dike xelkê wê ye, ne rijêma ku ji 12 salan ve nîvê xelkê koçber kir û kuşt û xist zindanan de, û bi milyonan kes bi bombebarankirin û komkujiyan birîndar kirin.
Û Emîndarê Giştî yê Hevbendiya Niştimanî daxwaz ji birayên Ereb kir, ku alîkariya gelê Sûriyê di riya piştgiriya çareseriya siyasî re bikin, li ser bingeha biryara navdewletî ya 2254, bi awayekî ku garantiya proseya veguhestina siyasî bike, û berjewendiyên Sûriyan dabîn bike.
Jêder: Ofîsa Ragihandinê ya Hevbendiya Niştimanî ya Sûrî
