Daxuyaniyeke Rojnamevanî
Hevbendiya Niştimanî bêzariya xwe nîşan dide li hember dîmen û raportên hovane yên li ser tawana bidawîkirina jiyana zarokekî li ser destê hin çekdaran yên tên goman kirin ku bi ser çekdarên “Bizava Nûredîn Elzenkî” li Sûriyê ve ne.
Hevbendî cext li ser giringiya pabendbûna Bizava navhatî dike bi daxuyaniya wê ya duhî, li ser tometbarkirina çekdarên wê bi encamdana vê tawankariyê, hevdem tekez dike ku wê pêdagiriyê bike li ser standina rêşûnên yasayî li hember vê bûyerê ya ku nabe xemsarî li hember bête kirin, û herwiha ya pir pêwîst e ku hemahengî ligel aliyên yasayî yên taybetmend di hikûmeta demkî de bête encamdan ji bona gerantîkirina encamdana lêkolîneka zelal sizakirina encamderên wê bi sizayên tund yên li asta vê tawanê.
Hevbendiya Niştimanî pêşbîniyê ji sercem hêzên artêşa azad dike ku bi carekî pabendiyê bi hemû yasa û peymanên navdewletî bikin, û rêşûnên cidî bigirin li hember her binpêkirin û her cûreyekî, û herwiha li dijî her riftarekî yên berovajî piransîpên şoreşê û armancên miletê Sûriyê di azadî û rûmet û dadperweriyê de rawestin.
Bêgoman tawanên rêjîma Esed û dagîrkariya Rûsiya û Îranê û milisên tawankar yên ser bi wan ve, yên cihê nerazîbûn û şermezarkirinê ne, ew sedemên serekî ne ji ajawegeriya li welat peyda bûye, herwiha ku tawanên Esed û yên Îranê, yên derbarê bi tevlîkirina zarokan di nav mîlîşên û bandekên xwe de yên ji derve derbasî welat bûyîn ji bona kuştina xelkê Sûriyê ya bûye diyardeyek xuya, lewra ya pêwîstiya vê yekê bi bizavek navdewletî û yasayî heye ji bona rawestandina vê tawankariyê û dûrkirina zarokan ji leşkeriyê û ji tevlîkirina wan di agirê şerê zalim yê li dijî gelê Sûriyê.
Hevbendiya Niştimanî, bê bê tawanê li radeya pêş têxe di stûyê rêjîma Esed û ya Meleyan de, ya fitweyan bi çekdarî û leşkeriyê tevî çekdakirina zarokan diderxe, li jêr dirûşmên tayifeperistî, û Hevbendî hevdem tekez dike ku tawanên Rêjîmê û hevalbendên wê nabe çi demê bibe bihane bo çavgirtinê ji şaşîtî û ji binpêkirinên piransîpên şoreşê re û ji sincên wê yên bilind re.
Rehmet li şehîdan be,
Saxî ji birîndaran re,
Azadî ji girtiyan re,
Bijî Sûriya û miletê wê bi azadî û serbilindî.
Hevbendiya Niştimanî Ya Hêzên Şoreş Û Rikberiya Sûriyê
20 tîrmeh 2016
