Daxwiyaniyeke Rojnamevanî
Hevbendiya Niştimanî ya Sûrî, binpêkirinên nû yên desthilatên Libnanî dermafê penaberên Sûrî şermezar dike, nemaze li gel agahiyên tekez dikin ku hejmarek ji penaberan di çarçoveya helmeteke nû de li dijî penaberên Sûrî li Libnanê hatine girtin, û hin ji wan rastî riswakirin û lêdanê hatine, û dest danîne ser milkên wan ên taybet û tabloyên enerjiya rojê, û amûrên pêwendiyan û alavên kesane li deverên (Bielbek, Zehlê, Bîka’ha Rojava).
Hevbendiya Niştimanî daxwaza destwerdana bilez û rasterast ji aliyê Komîseriya Bilind a Netewên Yekbûyî bo Karûbarên Penaberan û Rêkxistinên Netewên Yekbûyî yên pêwendîdar dike, ji bo rizgarkirina penaberên Sûrî û rawestandina tawaneke ku heye di demeke nêzîk de pêk were, eger penaber bo deverên di bin kontirola rijêma Esed de bên şandin, ji ber ku bidehên rapor û lêkolînan piştrast kirine ku penaberên ku bi darê zorê hatine dersînorkirin rastî girtin û îşkenceyê tên, û ev jî gelek caran dibe sedema mirinê, û Hevbendiya Niştimanî ji hikûmeta Libnanê xwest ku vê helmetê yekser rawestîne û pabendiyê bi maf û yasayên navdewletî û nirx û pirensîpên mirovî yên ku mafê penaberan di jiyaneke ewle ya guhdana tenduristî û perwerdeyê têde dabînkirî be, û wan bi darê zorê dersînor nekin, bike.
Hebûna Sûriyan li Libnanê ji neçarî ye, ji ber ku bihezarên malbatan koçberî Libnanê bûn, piştî tawanên ku ji aliyê milîsên Hizbullaha Libnanî ve bi hevkariya hêzên Esed û milîsên Îranî dermafê Sûriyên bêguneh li herêma Qisêr û deverên cuda yên Şam û gundewarê Şamê û parêzgehên Humsê hatine pêkanîn, û Sûriya bi mana rijêma Esed, ne jîngeheke aram e ji vegerandina penaberan re, û karê li ser derbiderkirina wan beşdariyeke rasteqîn di tawaneke tekez de ye.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
16 îlon 2023
