Daxwiyaniyeke Rojnamevan
Biryara kêmkirina peryên terxankirî bo alîkarîkirina bi hezaran ji koçberên sûrî li Urdinê, û birîna alîkariyan bi temamî ji ser bi hezaran ji malbatên sûrî ji hêla Pirograma Xwarinê ya Cîhanî ve, tiştekî cihê mixabiniyê ye û dê bandorên metirsîdar li ser jiyana wan û rewşa wan ya tenduristî û civakî û derûnî bike, her weha dê bandora wê ya nerênî li ser warê fêrkirinê û derfetên kar hebe.
Divê careke din li vê biryarê bê nerîn, ji ber ku dê encamên wê yên bobelatî li ser bi hezaran ji malbatên sûrî yên hatine koçberkirin hebe, û divê karê ji wan tê xwestin bikin, daku xwarin û derman û alîkariyên darayî bi awayekî misoger bigihêjin tevaya sûriyên penaber li Urdinê.
Hevbendiya Niştimanî ya Sûrî ji dewletên çalak û yên alîkariyê pêşkêş dikin, dixwaze ku sozên xwe derbarê penaberên sûrî bicî bînin, daku rewşa wan ya mirovahî hîn bêhtir li dewletên derdora Sûriyê bi giştî û li Urdinê bi awayekî taybet xirab nebe, û Hevbendiya Niştimanî pesna xebatên berdewam yên Qiralgeha Urdinê ya Haşimî ya bira, yên bo pêşwaziya sûriyên ji ber zordariya rijêma Esed û sponserên wê reviyane, û kêmkirina derdeseriyên wan, da.
Ji civaka navdewletî tê xwestin ku nema doza sûrî wek dosya û kêşeyên curbecur dabeş bike, weku çawa ku bi hev ve negirêdayî bin, û encaman û sedemê ji hev cihê bike, û divê gringiyê bidin sedema sereke ya tevaya nakokiyan, ku ew jî rijêma Esed û Milîs û hêzên dagîrker yên ku rijêmê anîne sûriyê ne.
Ji aliyên navdewletî yên çalak tê xwestin ku bi karekî çalak û cidî rabin, û hemû aloziyan têxin çarçoveya wan ya durst de, û veguhestina siyasî li gor biryara 2254 bisepînin, ji ber ku ew mîna dergehekî ye, û rê li pêşiya çareserkirina tevaya aloziyên ku gefê didin ser jiyana gelê sûrî li hundir û derve vedike.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
09 hezîran 2021
