Daxwiyaniyeke Rojnamevanî
Hevbendiya Niştimanî ya Sûrî, piştgiriya xwe ya tam ji nûbûna xwepêşandanên gelêrî li parêzgeha Deraa û devera başûr re, yên ku daxwaza rûxandina rijêma Esed û serbestberdana girtiyên di zindanên wê de dikin diyar dike, û qurbanîdana sûriyan ji bo parastina pirensîp û armancên şoreşa Sûriyê û nepejirandina vê rijêma tawankar bilind dinirxîne.
Wêrekiya xelkê Deraayê yên ku careke dî li bajarên (Casim, Xebaxib, Elmizeyrîb, Elsenemayn, Da’il) li dijî rijêma Esed serî hildane, diçespîne ku şoreş di dilê Sûriyan de zindî ye, û divê hemû cîhan li kêleka wan raweste, daku daxwazên xwe yên rewa pêk bîne, û wan ji derdeseriya berdewam ya bi sedema tawankarî û terora rijêma Esed rizgar bike.
Kontrolkirina leşkerî ya rijîma Esed û hevalbendên wê li hin deverên Sûriyê piştî operasyonên leşkerî yên ku têde bajar hatin hilweşandin û xelkên wan hatin kuştin û koçberkirin, nayê wê wateyê ku ew rijêmeke rewa ye li welat, ji ber ku xwepêşandanên nû, tevî serkutkirin û kuştin û girtinê, diçespînin ku gelê Sûriyê hemû rengên hebûna rijêma Esed li Sûriyê red dike, û hîn jî ji bo azadî û serxwebûna Sûriyê ji rijêmê û dagîrkeriyên ku pê re didin û distînin têkoşînê dike.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
25 berfanbar 2022
