Daxwiyaniyeke Rojnamevanî
Hevbendiya Niştimanî ya Sûrî amaje bi wê yekê dike ku biryara dirêjkirina alîkariyên mirovî di riya sînorê Sûriyê re daku alîkarî bighêjin bimilyonan Sûrî, dê bihêlin êş û azarên wan ên mirovî sivik bibin. Û hişyariyê dide derbarê pêwîstiya ku ev alîkarî bi awayekî berdewam bigihêjin hewcedaran dûrî rijêma Esed û milîsên wê.
Hevbendiya Niştimanî tekeziyê li ser berpirsiyariya civaka navdewletî û Netewên Yekbûyî di ber pêwîstiya bêalîkirina dosya mirovî û dûrxistina wê ji bikaranînên siyasî yên ku Rusya bi awayekî berdewam pê radibe dike, ji ber ku Rusiya wê ji pirseke mirovî dike kaxtetke siyasî di danûstandinan de, û bi keysebazî hêza xwe ya VETO jê re bikar tîne, her weha Hevbendî hişyariyê dide ku alîkariyên Netewên Yekbûyî yên ku digihêjin rijêma Esed ji bo berjewendiyên hêzên wê yên ku xelkê Sûriyê dikujin tên bikaranîn, û ev yek bi belge û wêneyan hatiye çespandin.
Lêgerîna mîkanîzmayeke nû ji bo misogerkirina hatina berdewam a alîkariyan ji gelê Sûriyê re, dê bihêle xelk xwe li hember şert û mercên dijwar yên ku ji ber terora rijêma Esed û milîsên wê têre derbas dibin rawestin, û ew mîkanîzma bûye pêwîstiyek, daku nehêlin ev alîkarî bighêjin milîsên şerkar yên ku piştgiriya rijêma Esed dikin.
Hevbendiya Niştimanî hişyariyê dide ku dosya Sûriyê dosyayeke siyasî ye, û daxwazê dike ku giringî bo vê çarçoveyê bête den, ji ber ku ne pêkan e ku bobelat bi berdewamiya alîkariyan tenê were bidawîkirin, bêyî ku bizav bên kirin di warê pêkanîna veguheztina siyasî li gorî biryara 2254, yaku daxwazên gelê Sûriyê û avakirina Sûriyeke nû dûrî rijêma Esed a ku sedema sereke ya vê tirajîdiyê ye pêk tîne.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
10 çilê paşîn 2022
