Daxwiyaniyeke Rojnamevanî
Hevbendiya Niştimanî ya Hêzên Şoreş û Rikberiya Sûrî, pêşwaziyê li rapora tîma vekolînan ya bi ser Saziya Qedexekirina Çekên Kîmawî ya îro derketiye dike, û dixwaze ku li ser encamên wê raporê tevgereke navdewletî li gor madeya heftemîn ya peymana Encumana Ewlekariyê ya Navdewletî û mercên biryara 2118 bibe.
Raporê tekezî li ser tevaya zanyariyên me kir, yên derbarê bikaranîna bimebest ya rijêmê ji çekên kîmawî re dijî sivîlan gelek caran, û kurteka encamên wê dibêjin ku rijêm berpirsa 3 êrîşên bi çekên kîmawî ye, 2 ji wan bi gaza sarîn bûn, bajarokê Letamnê yê li bakurê parêzgeha Hemayê di heyva azarê ya sala 2017 armanc kiribû.
Tîma navdewletî kurtasiya belgeya xwe derxist, piştî vekolîneke ku 9 heyvan berdewam kiribû, têde hevdîtin bi şahidhalên ji deverên armanckirî re kiribû, û nimûneyin ji deverên armanckirî biribûn, û nîşanên wan madeyan li ser qurbaniyan dîtibûn, û wêneyên satelîtan vekolîn kiribûn, û şêwirdariya kesên taybetmend kiribûn.
Piştî derketina vê raporê û encamên ku tê de hatine, ji endamên Encumana Ewlekariyê yên guhdanê birastî bi ewlehiya cîhanê û aramiya wê dikin, û aliyên navdewletî yên kartêker, tê xwestin ku karên pêwîst bikin, ji bo sizadana tewankaran û nehêlana dubarebûna tewanên wek wan tewanan.
Hevbendiya Niştimanî ya Hêzên Şoreş û Rikberiya Sûrî, di gelek helkeftan de, tekezî li ser berpirsyariya tekûz a civaka navdewletî di ber peyketin û sizadana berpirsên bikaranîna çekên kîmawî li Sûriyê kiriye, û hişyarî dane ku dema civaka navdewletî bêbersivdan li hember rijêmê radiweste, nameyan dide rijêmên stemkar li cîhanê ji bo ew jî tewanan bikin, û ev yek dibe metirsiyek li ser aştî û ewlehiya navdewletî û nirxê yasaya navdewletî, û paşeroja saziya qedexekirina tevaya çekên kîmawî.
Divê piştî vê raporê helwesta navdewletî were guhertin, û bêtir têbigihêje, derbarê giringiya sepandina tedbîrên piratîk dijî rijêmê li gor madeya heftemîn, û ev li gor mercên biryarên civaka ewlekariyê yên têkildarî vê mijarê ne.
Hevbendiya Niştimanî ya Hêzên Şoreş û Rikberiya Sûrî
Beşê Ragihandin û Peywendiyan
8 nîsan 2020