Daxwiyaniyeke Rojnamevanî
Hevbendiya niştimanî tekez dike ku nîşanên ku serokê Komîteya Serbixwe ya Ji bo Daddariya Navdewletî Û Sizadanê “Stiven Rap” derbarê tewanên cengê yên li Sûriyê di daxwiyaniyên xwe yên dawî de amaje pê kiriye, nîşanin giring in, û dê bandoreke wan a yekser ji bo sizadana tewankaran hebe, herweha tekeziyê li ser giringiya ronîkirina vê dosyayê di dezgehên Emerîkî de dike û danîna wê careke din di nav ejindayên civaka navdewletî de bi rengekî cedî.
Û giring e ku di vê çarçoveyê de em amajeyê bi van çend xalan bikin:
Yekem: Tevaya van nîşanan piştgiriyek rasteqîn in ji rewaya têkoşîna gelê Sûriyê re ji bo rizgarbûna ji vê rijêmê.
Duyem: Ev nîşan helwestên aliyên ku daxwaza piştgiriya gelê Sûriyê dikin mukumtir dikin, ji bo di pêkanîna armancên xwe û bicîanîna veguhestina siyasî ya rasteqîn û tam de bi ser bikeve.
Sêyem: Ev nîşan berpirsyariya ketwara Sûriyê derbarê sizadana tewankaran careke din datînin ser milê civaka navdewletî, û heye ku ew bibin nîşan û delîlên tewanbarkirina dewletên ku tevgerê nakin li gor berpirsyariyên ser milê wan.
Îro em pêşberî 900 hezar belgeyê ne û bi sedhezarên şahidhaliyên ku roj li pey rojê zêdetir dibin, û tekez dikin ku rijêm tevaya coreyên tewan û binpêkirinên yasa û exlaqan kirine, ji bo li ser desthilatê bimîne û nehêle gelê Sûriyê bigihêje mafên xwe, tevlî bikaranîna çekên kîmawî û tewanên cengê û kuştin û işkencekirinê û yên dijî mirovahiyê û tewanên koçberkirinê û ji bilî wan jî.
Û pirsa ku gereke hevwelatiyê her dewleteke endam di Netewên Yekbûyî de bike ew e, gelo divê rijêmek çi tewanê bike da civaka navdewletî û dezgehên wê yekser destêwerdanê bikin da nehêlin ew tewan bicî were û sivîlan rizgar bikin?
Hiştina rijêma Esed bê sizadan û bihêlin roleke wî di paşeroja Sûriyê û deverê de hebe tê du wateyan:
Yay ekem: Pêşkêşkirina nimûneyên bobelatî bo tevaya rijêmên stemkar li cîhanê û ji wan re dibêje ku hûn Karin kirêtirîn tewanan bikin, bêyî ku hûn ji encaman bitirsin, û yasaya navdewletî binpê bikin û tevaya destkeftên şaristaniya mirovahî birûxînin.
Ya duyem: Hiştina tewankarên rijêmê bê sizadan û pryketin, dê rê bide wan ji bo berdewamkirina pirojeyê tewanê yê niha dikin ta tevaya xelkên Sûriyê yên azadîxwaz bikujin, û paşre tewanên wan ên kirêt di paşerojê de dijî gelê Sûriyê û yên deverê û yên cîhanê bi dehên salên din dubare bikin.
Hevbendî tekeziyê dike ku dosyayên tewanên bi vê qebareya mezin, bi riya danûstandina bi tewankaran re nayê çareserkirin, û erk e li ser milê yasaya navdewletî ku vê dosyatê veguhêze bo Dadgeha Tewanên Navdewletî.
Divê sînorek were danîn ji van tewanên bêserûber ên ku rijêm bi riya sûdewergirtina ji piştgiriya Rûsya û Îranê û bêkêriya civaka navdewletî pêk tîne, ew aliyên ku tewan kirine ji ber xwe ve helwestên xwe naguherin, lê bi hêza yasayê dê biguherin, û behaneyên civaka navdewletî wek vîtoyê rûsî û yê sînî nema ne.
Ew encamên ku komîteya vekolînên navdewletî ya bi ser saziya qedexekirina çekên kîmawî ve ya ku di nîsana sala bûrî de rapora xwe derxistiye, tekez kir ku rijêmê bi mebest çekên kîmawî dijî sivîlan bi kar anîne, û biryara 2118 binpê kiriye, û ev yek deriyekî yasayî li gor madeya 21 ji biryarê vedike , ji bo tevgera bizaveke navdewletî li gor Beşê Heftemîn bibe, û rê vedike ji bo neçarkirina rijêmî li ser rawestandina tewanên xwe bi rengekî yekser, û rê li pêşiya sizadana tewankarên cengê û cîbicîkirina tevaya biryarên Netewên Yekbûyî yên jikarketî derbarê Sûriyê xweş dike, tevlî rizgarkirina girtiyan, û vegera penaberan û destpêkirina jinûve-avakirina welat.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
25 sibat 2021
