Daxuyaniyeke Rojnamevanî
Hevbendiya Niştimanî ya Sûrî, bi tundî komelkujiya hovane ya ku ji aliyê Israîla dagîrker ve li dijî komek sivîlên bêçek ên li benda alîkariyên mirovî bûn li Gazayê roja Çarşemê 28ê Sibatê êvarî pêk anî û 112 sivîl tê de bûn qurbanî şermezar dike, û vê kiryarê wek beşekî ji şerê qirkirinê yê ku ji aliyê dagirker ve li dijî birayên me yên Filistînî tê meşandin dibîne.
Îsraîla Dagirker birçîbûnê li gel gule û mûşekan weke çekekê bi kar tîne û pê şerê Filistîniyan dike, û sûdê bêdengiya navdewletî û necedîbûna tevgera wê ya ji bo rawestandina tawanên ku bi mehan e bi tundî berdewam in werdigire, ku di encamê de rewşa mirovî bi awayekî tirsnak têk çû û hejmara qurbaniyên bêguneh pir bilind bû.
Em tekez dikin ku berpirsiyariya yasayî û exlaqî ya rawestandina tawanên dubare û binpêkirinên yasaya navdewletî û mafên mirovan ji aliyê Israîla dagirker ve li Gazayê li ser milê Encumena Ewlekariyê û civaka navdewletî ye, û daxwaza bizaveke navneteweyî û erebî ya lezgîn dikin ji bo rizgarkirina birayên me yên Filistînî ji vê jenosîda rêbazkirî.
Em sersaxiyê ji gelê Filistînê yê bira re dixwazin.
Hêviya saxbûneke zû ji birîndaran re dikin.
Hevbendiya Niştimanî ya Hêzên Şoreşê û Rikberiya Sûrî
Ofîsa Ragihandin û Peywendiyan
01 adar 2024
