Daxwiyaniyeke rojnamevanî
Hevbendiya Niştimanî ya Sûrî, Lûtkeya Cedê ya Ewlehî û Geşepêdanê ya bi beşdariya Serokê Amerîka û serkirdeyên Erebistana Siûdî, Qeter, Kuweyt, Behrên, Selteneta Uman, Îmarat, Misir, Urdun û Iraq, û daxuyaniyên ku têde hatine, û piştgîriya çareseriya siyasî li Sûriyê tekez kirine, daku gelê Sûriyê ji zordariya metirsîdar û azarên demdirêj ji ber rêjîma Esed û hevalbendên wê rizgar bibe, şopand.
Hevbendiya Niştimanî tekez dike ku pêkanîna ewlekariyê û aştiya navdewletî yaku ev Lûtke dixwaze pêk were, bi hebûna rêjîma Esed li Sûriyê û dagîrkeriya Rûsî li welêt nabe, ji bilî belavbûna bi dehan coreyên milîsên Îranî yên ku metirsiyek mezin li ser Sûriyê û paşeroja wê û welatên herêmê çêdikin.
Hevbendiya niştimanî ya Sûrî daxwaza xêzkirina nexşeyeke navdewletî ya zelal ku bi demeke çarçovekirî be ji bo pêkanîna veguhaztina siyasî li Sûriyê û nehêle berepêkên ku dibin sedema berdewamiya êş û azarên Sûriyê, û kar bi awayekî cidî û tevayî bibe ji bo jinavbirina rêjîma Esed û destekên Îran li Sûriyê, û bizaveke kartêker bo vegera Sûriyê bo nav dewletên birayên wê yên ereb daku beşdariyê di rûbirûbûna astengî û kirîz û guhertinên Navdewletî û herêmî de bike.
Hevbendiya Niştimanî ya Sûrî tekez dike ku jinavbirina rêjîma Esed û milîsên Îranî dê bibe dergehek ji bo çareserkirina qeyranan li herêma erebî, ji ber ku pirojeya Îranê ne tenê li ser sînorên Sûriyê ye, û heger wisa nebe dê gefên Îranê li ser welatên din berdewam bimînin.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
16 tîrmeh 2022
