Daxwiyaniyeke Rojnemevanî
Rijêma tawanbar di girtin û kuştin û revandinê de li parêzgeha Deraa û başûrê Sûriyê wek beşekî ji helmeteke rêbazkirî bo belavkirina bêserûberiyê û têkbirina aramiyê û bidawîanîna şoreşê li devera başûr berdewam e.
Devera başûrê Sûriyê tuşî rewşa gurkirina operasyonên kuştinê dibe, yên ku têde kesayetên sivîl ên xwedî bandor û rayadarên berê di Artêşa Azad û leqên şoreşê de bûne qurbanî, ev bûyer ji salan de bi awayekî rojane li deverê dubare dibin.
Û rijêma qirkirinê pêla kuştinên bi dizî ji çend heyvan de li Deraa gur kiriye, û îro di dema tevgera gelêrî de yaku li Siwêda derketiye zêde bûye, û rijêm kesên berçav ji endamên Komîteya Navendî di Horanê de û çalakvanên tevgera şoreşgerî armanc dike, her weha rayedar û endamên berê di Artêşa Azad de yên ku ji neçarî rewşa xwe bi rijêmê re di riya lihevkirinên leşkerî bi sponseriya Rûsiya xweş kirine armanc dike.
Û ji bilî kuştina rojane, bi sedan kes hene ji yên ku rewşa xwe bi rijêmê re serast kirine li Deraa hatine girtin, û di bin îşkenceyê de di zîndanên rijêmê de ji sala 2018an de têne kuştin, ew jî xwezaya vê rijêmê û Rûsiya ya ne cihê baweriyê ya ku pişt ti carî pê nayê girêdan tekez dike, ji ber ku peymanên xwe li gel wan bicî neanîn, û nerastiya sozên wê di binpêkirina lihevkirinan de ji destpêka dijminkariya xwe ya yekser li ser Sûriyê ji sala 2015an de hatiye naskirin.
Tevî rêkeftinên ku hejmarek mezin ji xelkê Deraa tevlê bûne lê dîsa jî tevgera şoreşgerî û xwepêşandanên dijî rijêma tawanbar û kiryarên wê û retkirina desthilatdariya rijêmê li tevaya Horanê nehatiye rawestandin, wê jî hişt ku rijêm her kesê ku bandora wî di tevgera şoreşê û livandina kolanê de hebe armanc bike, her weha hewldanên çandina fitneyan di navbera xelkê Horanê de.
Hevbendiya Niştimanî ji xelkê Horanê û êl û şoreşgerên wê bihêvî ye ku pêgirên bi yekbûna rêzên xwe bin, û rûbirûbûna hewldanên rijêmê yên ji bo çandina fitneyan û serkutkirina tevgera şoreşgerî li tevaya devera başûr bikin, û hîn bêhtir li dor rayedarên civakî kom bibin, û di bîr anî ku Deraa landika şoreşê ye, û nahêle pilanên rijêma tawanbar û sponserên wê bicî werin, û dê bimîne pêşeng di karê şoreşgerî û rûbirûbûna zordariyê de.
Hevbendiya Niştimanî ya Sûrî daxwaza piştgiriya tevgera şoreşgerî a Sûrî yaku ji deh salan de ranewestiyaye ji tevaya aliyên xwedî bandor di civaka navdewletî de dike, di riya piştgiriya veguhestina siyasî ya tam re li seranserî welêt li gor biryara navdewletî 2254, û di riya vekirina rêya lêpirsîna navdewletî bo tawanbarên cengê û di pêşî de Serokê Rijêma Tawanbar.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
21 sibat 2022
