Daxwiyaniyeke Rojnamevanî
Hevbendiya Niştimanî ya Sûrî tekez dike ku pêşwaziya Erebistana Siûdî ji Wezîrê Derve yê rijêma Esed a ku bi hezaran komkujî li dijî gelê Sûriyê pêk anîne re, aloziya piroseya siyasî zêdetir dike, ji ber ku rijêma Esed bi awayekî cidî tevlî ti piroseya girêdayî dosya Sûriyê nebûye, û bi mebest berepêkan dide û astengiyan li pêşiya her gavekê berve cîbicîkirina biryarên navdewletî yên girêdayî Sûriyê û di serî de biryara 2254 derdixe, bi armanca xwe bighîne kêliya rewakirin û biserxistinê.
Rijêma Esed rêbaza tawankarî û terorkirinê di tepeserkirina gelê Sûriyê de yê ku ji 12 salan de daxwaza azadiyê kiribû bikar anî, û tawanên herî hovane di dîrokê de pêk anîn, di riya bikaranîna çekên kîmawî û bermîlên teqîner û bi dehan çekên qedexekirî li ser asta navdewletî dijî taxên niştecihan re, û ji dewletên ereb û civaka navdewletî tê xwestin ku karê cidî û rasteqîn bikin bo dadpirsînê û sepandina fişaran li ser rijêmê bi hemû rêyan, bi armanca cîbicîkirina piroseya siyasî û jibîrnekirina tawanên wê.
Hevbendiya Niştimanî amaje bi wê yekê dike ku nêzîkbûna ji rijêma Esed ne bijarde ye ji bo çareseriyê li Sûriyê, ji ber her xurtkirina desthilata tawankarê cengê li Sûriyê, dê bibe sedem ku ew bêhtir komkujî û tawanên dijî mirovahiyê dermafê Sûriyên ku hîn pêgirên şoreşa xwe ne û daxwazên xwe yên mafdar ên rûxandina rijêmê û dadgehkirina wê û avakirina Sûriya azad pêk bîne, û divê dewlet bi berpirsiyariyên xwe yên sincî û mirovî rabin, û tawankarê cengê siza bikin, û wî ji çi civînên navdewletî an herêmî dûr bixin.
Hevbendiya Niştimanî hişyariyê dide ku giheştina çareseriyekê ji pirsgirêkên mirovî û siyasî re li Sûriyê, bi dadpirsîna rijêma Esed dest pê dike, ji ber ku ew piştevanê milîsên biyanî û mezhebî yên ku ji bo kuştina gelê Sûriyê anîne ye, û ew berpirse di ber çêkirin û hinartina keresteyên hişbir bo cîhanê de, û vegera penaberan bi awayekî sereke bi çûna rijêma Esed ve girêdayî ye, û çi penaberek nikare vegere deverên di bin kontirola rijêma Esed de, yên ku hîn “qesabxaneyên wê yên mirovan” tijî xelkên bêguneh ên daxwaza azadiyê kirine ne.
Û Hevbendiya Niştimanî tekez dike ku rijêma Esed ew e ya ku milîsên terorîst, mezhebperest û cudaxwaz anîne Sûriyê, û sponseriya pêhtir ji heftêyî ji wan milîsan dike, ji bo Kuştin û koçberkirina gelê Sûriyê û pêkanîna guhertina demografîk li welêt.
Rijêma Esed sazî û dezgehên dewletê xistin bercewendiya şerê xwe yê hovane yê li dijî gelê Sûriyê de, û ew kirin alavên serkutkirin û kuştinê, û yarîgeh kirin baregehên leşkerî, û dibistan kirine navendên binçavkirinê, û nexweşxane kirin qesabxane û cihên kuştinê.
Hevbendiya Niştimanî ya Sûrî bang li birayên Erebistana Siûdî dike ku helwêstên xwe yên derbarê vê rijêma tawankar careke din di bin çavan re derbas bike, û li ser helwestên cihê serbilindiyê ên Erebistana Siûdî ji pêwîstiya dûrxistina rijêmê û sizadana wê li ser tawanên ku li dijî gelê Sûriyê û gelên deverê pêk anîne bimînin.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
13 nîsan 2023
