Daxuyaniyeke Rojnamevanî
Desteya Siyasî ya Hevbendiya Niştimanî ya hêzên Şoreş û Rikberiya Sûriyê pêşewazî li tîma şanderê Navdewletî berêz Dî Mistora kir, û di hevdîtinê de me guhdarî li şorevekirina Tîma şanderê navdewletî kir derbarê pêvajoya cêbicêkirinê û naveroka raporta Encûmena Ewlekariya Navdewletî ya li 29/7/2015, herwiha derbarê dawîtirîn daxuyaniya Serokatiya Encûmena Ewlekariyê ya li 17/8/2015, û di hevdîtinê de gelek pirs û ronkirin hatin pêşniyarkirin, lê birastî bersivên wan dilên me aram nekirin derbarê gelek pirsan.
Hin têbîniyên desteya Siyasî li ser pilana Dî Mistora hene, em dikarin di van xalan de kom bikin:
Yekem: diyar e ku wê dema pêvajoya karê pêşniyazkirî wê dirêj be, lewra nabe pesendî li ser bête kirin li jêr sîbera xwînrijandin û wêrankirina welat li ser destê rêjîma Esed, ku rêjîm wê sûdmend be ji derbaskirina demê û wê xwe bide pêş û destkeftên xwe li ser qadê bihêz bike, wek serbora ezmûnên bûrî.
Duwem: di nav rûpelên pilana pêşniyazkirî de armanca serekî ya daxuyaniya Jinêv 1 û biryara Encûmena Ewlekariyê 2118 tête windakirin, ya têde rêkeftin bûye li ser pêkanîna desteyeka fermanrewaya veguhêz bi tevaya desthilatan, û bilez pilana cêbicêkirina daxuyaniya Jinêv(1) tête avakirin û tîmên kar dibin yek û yên sercem wirdekariyan timam dibin, ku hêjî civaka Navdewletî ji rûbirûbûna sedemên arîşeyê direve, ku ewjî dabînkirina veguhestinek siyasî ya bingehîn û giştgîr e, bê hebûna Esed û bendeka wî di qonaxa veguhêz û şûn de.
Sêyem: di dema ku hîç goman nîne di rewatiya nûneretiya hêzên şoreş û opozisyonê de, em dibînin vîna gelê Sûriyê tête şêwandin bi rêka neheqiya di destnîşankirina nûnerên gel de, wek tişta di gotubêjên Jinêv de di gulana bûrî de çê bû, ku her piroseyek siyasî sernakeve heger nûnerayetiya wê ne bêlayen û rasteqîne be, û pêwîst e dûrî destêwedan û qalibên biryarên derve be.
Ku hêzên şoreş û opozisyonê bi tevayî li ser nerînek yekgirtî ya çareseriya siyasî li hev kirin, û kokin li ser giringiya dabînkirina veguhestinek siyasî ya bingehîn û giştgîr, ku bi yekcarî rê li pêşiya berdewamî û vegera zordestiyê bigire.
Pêwendiyên Desteya Siyasî ligel Netewên Yekgirtî berdewam in, ji bo zelakirina pirsên nakokî li ser wan hene, herwiha wê wefader be bi deq û têkestên biryarên Desteya Giştî ya Hevbendiyê re, ya rengvedan e ji daxwazên gelê Sûriyê re bi sercem pêkhateyên xwe ve yên netewî û siyasî, û wê encamên dûvçûna karê xwe û helwesta xwe ya siyasî deyne ber civîna dahatî ya desteya giştî , da paşî biryara li ser karnameyek nû bête dan.
Di heman demê de Desteya Siyasî pabendiya xwe bi rola Netewên Yekgirtî di çareseriya Siyasî de tekez dike, herwiha tekeziyê li ser giringiya Netewên Yekgirtî dike ku bi rola xwe ya normal rabe di dadgehkirina tawankarên cengê û encamderên tawanên dij mirivahiyê.
Hevbendiya Niştimanî ya hêzên Şoreş û Rikberiya Sûriyê
Desteya Siyasî
