Daxwiyaniyeke Rojnamevanî
Hevbendiya Niştimanî ya Sûrî, xweşhaliya xwe bi yasaya rûbirûbûna bazirganiya Esed bi Kaptagonê ya ku ji aliyê Kongirêsa Amerîkî ve hatiye pesendkirin ji bo rawestandina berhemanîn û bazirganiya keresteyên hişbir û jihevxistina torên ku ji aliyê rijêma Esed ve li deverên di bin kontrola wê de tên rêvebirin tîne ziman, û bi erênî li vê pêngava ji aliyê Amerîkayê ve û bandora wê li ser rijêma Esed dinêre.
Hevbendiya Niştimanî hişyariyê dide ku rijêma Esed di salên bûrî de xwe sipartiye ser bazirganiya keresteyên hişbir wekî jêdereke dahata bi milyarên Dolaran ji bo reva ji sizayên aborî yên ku li ser hatine sepandin, û piştgiriya amûra xwe ya leşkerî ya ku Sûriyan dikuje dike, û cextiyê li ser pêwîstiya rawestandina hemû çavkaniyên darayî yên rijêma Esed dike, ji bo pêkanîna berjewendiya ji sizayan tê xwestin.
Ji hemû cîhanê re hate çespandin ku rijêma Esed rijêma qirkirinê û nerewa ye û nûnertiya Sûriyan nake, û xwe dispêre kuştin, teror û keresteyên hişbir, û hevkariya rijêmên serkutkirin û milîsên mezhebperest dike, ji bo kuştina Sûriyan û wêrankirina bajarên wan, ji ber vê yekê ev rijêm bi ti awayî nayê vejandin, domandin, asayîkirin û bi çi rêyê û di bin çi bihaneyê de nêzîkbûn pêre nabe, ji ber ku çi cure ji cureyên piştgiriyê bo vê rijêmê tê wateya pejrandina tawanên wê û beşdariya di xerabtirkirina tirajîdiya Sûriyan de.
Hevbendiya Niştimanî balê dikşînê ser pêwîstiya bizavên navdewletî bo rizgariya ji rijêma Esed û sizakirina wê li ser tawanên kîmawî û bi hezaran tawanên ku bi hevalbendên xwe re ji sala 2011an ve pêk anîne, û rawestandina gefa wê ya cîhanî bi riya çêkirina Kaptagonê li deverên di bin kontirola wê de û belavkirina wê li seranserê cîhanê.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
18 Berfanbar 2022
