Daxwiyaniyeke Rojnamevanî
Hûrgiliyên metirsîdar yên ku di rapora ji hêla Saziya Lêborînê ya Navdewletî derketiye, aliyekî biçûk e ji xişmên ku Sûriyên koçberkirî yên vegeriyane an bi neçarî vegerandine deverên di bin kontirola rijêmê de diyar dike.
Dîdevaniyên ku raporê belge kirine, tekeziyê li ser agahiyên Hevbendiya Niştimanî û saziyên têkildarî mafên mirovan dike, nemaze derbarê metirsiya vegerandina koçberên Sûrî bo deverên di bin kontirola rijêmê de.
Rapor boneyeke ku careka dî tekeziyê li ser berpisyariya civaka navdewletî û dewletên xwedî bandor derbarê lihevkirinên navdewletî yên girêdayî doza penaberan dike, daku nehêlin bi çi awayî be penaber an koçberkiriyên Sûrî vegerînin deverên di bin kontirola rijêmê de, di bin çi bihaneyê de be.
Tu garantî çi ji sivîlan re be an ji kesên dî re be nîne, ger ew kes çalakvan bin an tenê wek penaberên normal yên ku ji ber mirinê reviya bin, heyanî ku rijêma Esed heye û heyanî ku alavên ewlekariyê hîn di pêkanîna rola xwe ya terroristî de berdewam in.
Tawankariya ku bidehsalan di kiryarên endamên rijêmê û rayedarên wê de cî girtiye, û ta niha jî tiyê kuştin û pêkanîna binpêkirinên mafên mirovan in, rapora nû hejmarek ji binpêkirinên ku efserên asayîşên rijêmê pêkanîne belge kiriye, di nav de îşkencedan û destdirêjiyên sêksî û standina pereyan têde tomarkirî ye, û di raporê de rewşa kesên ku di girtîgehan de canê xwe jidest dane eşkere ye, û hîn jî çarenûsa 17 mirovên dîtir nediyar e.
Kurtenivîsên tekez, balê dikşînin ser ku kiryarên îşkencekirin û binçavkirina kotekî û girtina bi darê zorê an ne yasayî hîn li deverên di bin kontirola rijêmê de weke berê berdewam e, lewra çi bend an fişar îro li ser koçberên Sûrî li çi cîgehî an welatî ji welatên cîhanê bin an bihêlin ku ew bi neçarî vegerin dojeha rijêmê metirsiyeke mezin li ser jiyana wan çêdike, û dibe ku ew bibe sedema sereke û yekser di tiştên ku bi serê wan were piştî vegera neçar.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
08 êlûna 2021