Daxwiyaniyeke Rojnamevanî
Bi milyonan jinên Sûrî rastî tundiya rêbazkirî ya ku çeteyên rijêma tawanbar û milîs û amûrên asyîşê cîbicî dikin tên.
Di roja Hilanîna Tundiya Dijî Jinê de, divê di rûyê rijêma Esed de pête rawestan, û kar li ser sepandina biryarên navdewletî bibe, û tawanbarên tawan dermafê jina Sûrî û mirovê Sûrî pêk anîne siza bibin, daku piştgiriya bîrokeya vê roja navdewletî bibe, û beşdarî di pêkanîna armancên wê de bibe.
Bi hezaran ji jinên girtî û yên revandî û bi deh-hezaran ji dayîkên girtiyan û bi sedhezaran ji dayîkên pakrewanan û bi milyonan ji jinên hatine koçberkirin, ew ji encama tundiya rêbazkirî ye, yaku rijêma Esed dijî gelê Sûrî bi awayekî giştî û dijî jinan bi taybetî pêk tîne.
Berpisyariya Netewên Yekbûyî û Encumena Ewlekariyê derbarê vê doseyê, berpisyariya yekemîn e, di riya desttêwerdaneke çalak re, daku biryarên navdewletî rizgar bikin, û çareya siyasî bisepînin, û nehêlin ku rijêm di revandina Sûriyê û pêşeroja jin û zarokên wê de berdewam be.
Li ser asta civakî, saziyên Sûrî yên fermî û têkildar, û saziyên civaka sivîl û saziyên mirovahî û xwecihî û kesên xwedîbandor û alavên ragihandinê hemû vexwendî ne, da li kêleka jina Sûrî rawestin, û di riya pêşkêşkirina piştgiriya jinên ji tundiyê rizgar bûne re piştgiriya jina Sûrî bikin, û desttêwerdanê bo belavkirina hişyariya jinê û şerê tevaya awayên tundî û newekheviya nerênî ya dijî jinê bikar tê bikin.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
25 çirya paşîn 2021
