Daxwiyaniyeke Rojnamevanî
Hevbendiya Niştimanî û gelê Sûriyê çavrêyên sê rûniştinên Encumena Ewlekariya Navdewletî ne, yên li ser Sûriyê di heyva gulanê ya niha de, ya derbarê rewşa mirovahî di 20 gulanê de ye, û ya çekên kîmawî di 23 gulanê de ye, û ya rewşa siyasî di 31 gulanê de ye, û Hevbendiya Niştimanî tekezî li ser giringiya van hersê dozan di doseya Sûriyê de û giringiya liveke navdewletî di wê derebarê de di riya durust de kir.
Ji Netewên Yekbûyî tê xwestin ku mafê sûriyan bide û piştgiriyê pêşkêşî wan bike, bêyî ku li bikaranîna mafê retkirinê VETO ji hêla Rûsiya ve binhêre, nemaze piştî pejrandina li ser biryara Komeleya Giştî L.52 yaku ji aliyê Liechtenstein ve hatiye pêşkêşkirin, biryara ku rê dide Komeleya Gitî ku di deh rojan de her ku mafê retkirinê di Encumena Ewlekariyê de ji hêla yek ji pênc dewletên herdemî ve bikar hat bicive.
Hevbendiya Niştimanî ji dostên gelê Sûriyê daxwaza karê cidî û mafdanî di doza Sûriyê de kir, daku berjewendiya sûriyên misoger bike, di riya derbaskirina VETO yê Rûsî û Çînî re, yaku bi dirêjiya salên berê bo berjewendiya rijêma Esed bi kar hatiye, û nehiştiye ku çi pêşketin di doseya sizakirina vê rijêmê de ji kîsê xwîna sûriyên azadî xwestine çêbibe.
Rê li pêşiya dewletên dost û hevalbend xweş e û bê VETO ye daku mafê gelê Sûriyê yê ku derdeseriyeke weke wê nebûye bi dirêjiya deh salên bûrî li ser destê rijêma Esed û Rûsiya û Îranê jiyabû, yên ku bi hezaran tawanên cengê û qirkirinê dermafê gelê Sûriyê pêk anîne, û komkujiya taxa Eltedamun li Şamê tenê nimûneyek e ji bihezaran komkujîyên ku bi xwîneke sar dermafê sivîlên bêguneh pêk hatine.
Hevbendiya Niştimanî ya Sûrî cextiyê li ser pêwîstiya sizakirina rijêma Esed li ser tawanên ku pêk anîne tevî tawanên ku têde çekên kîmawî bikar anîne kir, û ku rijêmê ji tevaya saziyên navdewletî biqewtîne, ji ber ku ne nûnerê gelê Sûriyê yê rewa ye, û bi awayekî çalak bilive ji bo ku tevaya girtiyan ji zîndanên rijêmê serbest berde, û bi rijêmê re li gorî beşê heftemîn bide û bistîne, daku dadweriya navdewletî pêk were, û derbaskirina alîkariyên mirovahî di riya xalên sînorî re bi awayekî herdem berdewam be, daku gihandina wan alîkariyan bo malbatên Sûrî dûrî diziya ji hêla rijêma Esed ve misoger bike.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
05 gulan 2022
