Daxwiyaniyeke Rojnemevanî
Hevbendiya Niştimanî ya Sûrî tekez dike ku ew li kêleka xelkê Siwêda di xwepêşandanên dijî rijêmê radiweste, û piştgiriya daxwazên gel ên mafdar dike, û jin û mêrên Siwêda silav dike, û pesnê mêrxwasiya wan di rûbirûbûna zordariyê de dide.
Îro careke din dengê Siwêda bi xwirtî bilind bû, dengê ku herdem ji destpêka şoreşê de amade bû, û gewriya xelkê Siwêda bi siloganên azadî û ruxandina rijêma qirkirinê hil bû, û Hevbendiya Niştimanî pesnê hişyariya gel di warê mafê wî de dide, her weha pêgiriya wan bi mafê xwe û standina wan mafan ji destê çeteyên ku dest danîne ser welêt û samanên welêt, rijêma ku dest danîye ser wan samanan û dike garantî bo sponserên xwe yên Rûsî û Îranî.
Rijêma tawanbar gelê me li deverên di bin kontirola wê de gihandiye qonaxa teqînê, û siyaseta birçîkirinê û zuhakirina rêyên jiyana bi rûmet bikar tîne, weke tolhildan û hewldana serçimandina gel, û dawîtirîn tawanên rijêmê diziya alîkariyên ku ji hin beşên civakê re dihate pêşkêşkirin, wek keresteyên xwarinê yên bingehîn, ya ku bû sedema teqîna metingên nerazîbûnê li parêzgeha Siwêda, û hişt ku gelê parêzgehê daxwaza ruxandina rijêmê bike.
Hevbendiya Niştimanî hişyariyê dide ji gefxên hin berpisyarên rijêma tawanbar yên gotine ku dê tundiyê dermafê metingên Siwêda bikar bînin, û derxistina fermanên armanckirina xwepêşanderan bi rengekî yekser.
Silaveke hezkirin û rêzgirtinê bo azadîxwazên Siwêda bi jin peyayên vê ve, û bo tevaya keç û kurên gelê me yê şoreşger li tevaya deverên Sûriyê.
Dilovaniya xweda ji pakrewanan re
Azadî ji girtiyan re
Serkeftin ji şoreşa gelê me re.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
8 sibat 2022