Daxuyaniyeke Rojnamevanî
Jêdereke berpirs weha ragihand:
Hevbendiya Niştimanî ya hêzên Şoreş û rikberiya Sûriyê bi tundî êrîşên firokên dagîrkariya Rûsiya li ser bajarê Idlibê û armanckirina navendên saxlemiyê û yên xizmetgozarî û avahiyên nişteciyan şermezar dike, ku di amarek destpêkî de ew êrîş bûne sedema şehîdbûna 50 sivîlî û birîndarbûna bêhtir ji 170 yên din.
Hêjaye gotinê ku ev êrîş hevdem tên digel êrîşên hovane yên firokên Rûsiya li ser gund û bajarokên gundewarê Laziqiyê, nameze piştî pêşdeçûnên şoreşvanan li ser Çiyayê Elnoba, hevdem ku bajarokên Helebê rastî heman êrîşan dibin ji aliyê rêxistina DAIŞê.
Herwiha berdewamiya destdirêjiyê berovajî tekesta biryara 2254 ya encûmena ewlekariyê tê ya di benda 13an de, ku têde daxwaz hatiye kirin bi “rawestandina bilez ya her êrêşekê li dijî sivîlan û li dijî armancên sivîl, tevlî navendên nojdarî û karmendên pizîşkî û bikaranîna çekan bitewşî, û di nav de bombebarankirina topxaneyan û ya esmanî”.
Hevbendiya Niştimanî ji Encûmena Ewlekariya Navdewletî daxwaza pirotistokirina kuştina sivîlên Sûriyê dike ku nagunce digel yasaya navdewletî, û herwiha daxwaza standina rêşûnên bilez dike bo rawestandina destdirêjiyê, bi heman awayî daxwaza tevgereke bilez dike ji rêxistinên mafê mirov bo rawestandina kuştarên berdewam, ku piraniya qurbaniyên wan jin û zarok in.
Hevbendiya Niştimanî Ya Hêzên Şoreş Û Rikberiya Sûriyê
Nivîsîngeha Ragihandinê
20 Çilê Pêşî 2015