Daxuyaniyeke Rojnamevanî
Her ji yekem roja destdirêjiya Rûsiya li ser Sûriyê îstratijiya wê bi zelalî xuya bû, ku sivîl di serê armancên êrîşên Rûsiya de tên, bi armanca kuştin û koçberkirina wan, ku qurbaniyên êrîşên firokên Rûsiya heta roja (26 Çiriya pêşîn) 1511 sivîl in, ku di nav wan de jin û zarok hene, û herwiha wêrankirina 12 nexweşxane û navendên pizîşkî, tevî armanckirina xwendingeh û perestgeh û damudezgehên xizmetguzarî û şûnwarên dîrokî.
Têzanîn ku hejmarek naxweşxane û desteyên pizîşkî yekser rewşa awarte ragihandin, piştî êrîşên firokên Rûsiya li ser nexweşxaneyên Elyemdiyê û Îxlas û Bernas li gundewarê Laziqiyê, hevşan ligel bombebarankirina naxweşxaneya Elletaminê û karmend û nexweşvanên wê bi awayekî rasterast, û armanckirina sentereke vaksîndana zarokan li gundê Eltimani’a li gundewarê Idlibê.
Ev zanyarî hatine piştrastkirin bi raportên meydanî û bi belegeyên Tora Sûrî ya mafên mirov û ji aliyê çalakvanên xwecihî û komîteya Sûrî ya mafên mirov, û hemû tekez dikin ku bombebarankirina Rûsiya digehêje astên tawanên cengê û yên dijî mirovahiyê, û pêwîste bête şermezarkirin ji aliyê Civaka Navdewletî û Encûmena Ewlekariyê, herwiha pêwîste rêşûnên bilez bêne standin ji bona rawestandina wê û dadgehkirina encamderên wê, herwiha bête tekez kirin ku îstratijya leşkerî ya dagîrkariya Rûsiya dibe fakterê zêdebûna alozkirina ketwarê leşkerî li sûriyê û dergehek fereh vedike li pêş belavbûna terorê û lawazkirina bizavên çareseriya siyasî.
Hevbendiya Niştimanî ya hêzên Şoreş û rikberiya Sûriyê
Nivîsîngeha Ragihandinê
27 Çiriya pêşîn 2015
