Daxuyaniyeke Rojnamevanî
Di dema ku Hevbendiya Niştimanî ya hêzên Şoreş û rikberiya Sûriyê, dubare karên teroristî yên rêjîma Esed û destdirêjiyên Rûsiya û Îranê şermezar dike, hevdem helwesta navnetewî ya lawaz li hember van destdirêjiyan jî şermezar dike, û tekez dike ku bilindkirina asta leşkerî ya vê dawiyê bi serkêşiya sêgoşeyî( Rûsî, Îranî,û Esed )li ser gundewarê Himsê, dibe temamkirin ji pilana valakirina parêzgeha Himusê ji welatiyên wê, her weha dibe temamkirin ji piroseya koçberkirina tayifegerî re, û pêkanîna pirojeyê “Sûriya mifadar” yê parçekirinê, yê bi milîşiyên Îranê hatiye spartin ji bo pêkanîna kembera Şama paytext, ku Rûsiya û hêzên rêjîmê dirêjiyê didin berdeawamiya vî pirojeyî li Himusê bi rêka qirkirina sivîlan û armanckirina komelgehên nişteciyan bi behaneya jinavbirina terorê.
Hevdem ligel destpêkirina êrîşên Rûsiya li ser Sûriyê û armanckirina sivîlan li gundewarê Himusê û kuştina hejmareke mezin ji qurbaniyan, careke din rêjîmê derfetek dît bo destpêkirina kar û riftarên tawankarî; bi rêka herdu hevparên xwe yên Rûsî û Îranî, yên derfet dan rêjîmê ji bo pêkanîna bizavên leşkerî bo encamdana tawanên zêdetir li gundewarê Himusê, nemaze ku nişteciyên wê navçeyê, di baredoxên zehmet de dijîn bi sedema dorpêça dijwar ya berdewam.
Oparisyonên bombebarankirin û êrîşên firokên Rûsiya di nava sê rojên bûrî de li ser gund û bajarên gundewarê Himusê (Resten,Telbîsê û Xernata û Om Şerşûh), bûn sedema şehîdbûn û birîndarbûna bidehên kesan di nav wan de jin û zarok jî hene, hevdem ligel pirbûna ajawegeriyê ta radeya ku tîmên hawarçûnê nikarîbûn navên qurbaniyan belge bikin, û ew dîmen (hatine belgekirin bi wêne û bi parçevidiyoyan), tevî topbarankirina taxa Elw’ir ya dorpêçkirî bi topxaneya giran, di dema ku hêzên rêjîmê û çeteyên Îranê û yên Afxanistanê kom bûne, û dibe êrîş bikin li ser herdu bajarên Resten û Telbîsê.
Hevbendiya Niştimanî daxwazê ji Netewên Yegirtî dike ku li hember bobelat û terajiyêdiya gelê Sûriyê bi berpirsyaretiyên xwe yên yasayî û rewştî û mirovî rabe, û herwiha daxwaza şermezarkirina destdirêjî û tawanên Rûsiya û lidarxistina civînek awarte bo gengeşekirina derencamên vê dagîrkariyê ji Komkara Erebî dike, û cext li ser pêwîstiya liva Encûmena Ewlekariyê dike bo neçarkirina Mosko ji bo rawestandina dagîkariya xwe û vekêşana bilez ji tevaya xaka Sûriyê.
Hevbendiya Niştimanî Ya Hêzên Şoreş Û Rikberiya Sûriyê
Nivîsîngeha Ragihandinê
5 Çiriya Pêşîn 2015