Daxwiyaniyeke Rojnamevanî
Em di Roja Navdewletî Ya Hînkirinê de, hişyarîyê ji metirsiyên berdewamiya rawestandina piştgiriya navdewletî ji karta perwerde û hînkirinê li Sûriyê didin, ji ber guhdana prosesa hîndariyê garantiya geşepêdan û pêşketin û aramiyê ye di civakê de.
Rawestandina piştgiriya karta hîndariyê û jikarketina prosesa hînkirinê bobelatek e û bandora wê mîna armanckirina rijêma Esed ji karta hînkirinê re ye, û dikeve xizmeta meremên wê de, yên paşxistin û nezankirina gelê Sûriyê û dijîtiya paşeroja wî.
Em daxwaza rawestana li ser wan biryar û rêşûnan dikin, herweha kirina karên pêwîst ji bo kartêkerkirina pirogramên hînkirinê bi rengekî yekser, her weha zêdekirina piştgiriyê da ew proses karibe tevaya zarokan li xwe bigire, û paşguhnekirina rawestandina êrîşên rijêmê û hevalbendên wê.
Hejmara dibistanan li Idlibê dighêje 1193an, û ew dibistan xizmeta hînkirinê ji 399660 zarokî re pêşkêş dike, di dema ku 250000 zarok nikarin wê xizmetê bidest bixînin, û 268 dibistan ji ber helmeta dagîrkariya Rûsî û rijêmê û milîsên Îranê li ser bakurê Sûryê ji kar ketine.
Di sala 2019an de, dibistanên Idlibê rastî 77 êrîşan hatine, di encamê de hejmara dibistanên ku bi temamî wêran bûne û yên beşek ji wan wêran bûye ne kêmtir ji 126 dibistanî ye, herweha 20 dibistanên ku bûne warê derbideran.
Karta hînkirinê rastî ziyaneke mezin li ser destê rêxistinên navdewletî hatiye, ji ber ku sala bûrî piştgiriya xwe rawestandibûn û ew yek bû sedema jikarketina piraniya programên ku alîkariya wezareta perwerdeyê dikirin, her weha ji ber hejmarek mezin ji mamosteyan neçar man karê xwe bi rengekî xwebexş û bi kêmtirîn karînan berdewam bikin.
Xizmeta hînkirina li kampên penaberan li hin deveran peyda nabe, û xwendekar neçar dibin çend kîlometreyan bimeşin da bigihêjin dibistanê, di rewşên ewlehî yên dijwar de.
Parastina prosesa hînkirinê pêwîstiyek e ji bo niha û paşeroja Sûriyê, û ew berpirsyariya tevaya aliyan e.
Hevbendiya Niştimanî ya Hêzên Şoreş û Rikberiya Sûrî
Beşê Ragihandin û Peywendiyan
24 kanûna paşîn 2020