Daxwiyaniyeke Rojnamevanî
Rijêma Esed bi dirêjiya deh salên bûrî bi awayekî rêbazkirî siyaseta revandin û binçavkirina kotekî bikar tîne, û bi destpêkirina şoreşa Sûriyê re tawanên revandin û binçavkirina kotekî bi şêweyekî rêbazkirî gurtir bûn, û ew wek perçeyekî ji cenga rijêma tawanbar li ser sûriyan bû, daku vîna wan bişkîne, û rêya azadiyê li pêşiya wan bibire.
Saziyên mafnasî bi sedhezaran bûyer belge kirine, û çarenûsa bêhtirê wan hîn nediyar e, di dema sistbûna navdewletî û tunebûna tam ya hilgirtina berpisyariyê de, wê jî hişt ku rijêm bêtir ji ser xwe biçe û tawanan pirtir bike.
Di roja navdewletî ya qurbaniyên binçavkirina kotekî de, Hevbendiya Niştimanî tekez dike ku ketwarê mafên mirovan û tawanên berdewam dermafê gelê Sûrî tevî tawanên cengê û tawanên binçavkirina kotekî û îşkencekirin û bidarvekirina derveyî yasayê û tawanên talan û dorpêçkirin û koçberkirinê bêhtir bibin, û ev yek hewcedarî hevkariyê di navbera sazî û aliyên pispor de ye, daku rê li pêşiya çalakkirina rola civaka navdewletî û komkirina xebatan bo rizgarkirina qurbaniyan û qerbokirina wan veke.
Ji Encumena Ewlekariyê ya Navdewletî tê xwestin ku berpisyariyê hilgire, û biryaran cîbicî bike, û pabendiyê bi ragihandina cîhanî ya parastina kesan ji binçavkirina kotekî bike, û rewşa ku ew têde hatine binçavkirin û çarenûsa kesê binçavkirî diyar bike, û rêşûnên guncaw bo kesên hatine binçavkirin bistîne, û cihê ku ew lê ne nîşan bike û wan serbest berde, û cihê kesên ku canê xwe jidest da were nîşankirin, û termên wan li xwediyan vegerin, û mafê qerbokirina derûnî û darayî misoger bibe, û ev tawan dubare nebin.
Rijêma tawanbar nexwaşiyeke kujer a demdirêj e, û ji aliyên navdewletî yên çalak tê xwestin ku piştgiriya veguhestina siyasî li Sûriyê li gor biryarên navdewletî bikin, û tawanbarên cengê û di pêşî de serokê rijêmê veguhêze dadgeha tawanên navdewletî.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
30 tebax 2021
