Daxwiyaniyeke Rojnamevanî
Îro sala duyemîn di ser komelkujiya ku rêjîma Esed bi çekên kîmawî dijî bajarê Dûma yê gundewarê şamê ya di 7ê nîsana 2018an de pêkhatiye derbas dibe, ew komelkujiya bû sedema ketina 39 şehîdan di nav de 10 zarok û 15 jin jî hebûn, û nêzî 550 kesên din birîndar bûn, li gorî Tora Sûrî ya Mafên Mirovan û aliyin din.
Hevbendiya Niştimanî ya Hêzên Şoreş û Rikberiya Sûrî, tekez dike ku berpisên vê tewanê , çi yên tewan cîbicî kiribin, an pilan jê re danîbin, an agahiyên derbarê wê veşartibin, berpirsyarî ji ser wan naçe, û berpisyarî ji ser civaka navdewletî jî naçe, eger wan kesên tewan kirine siza neke.
Û Hevbendî çext dike ku Civaka Navdewletî berpisyariya bi temamî hildigre, derbarê girtin û sizedana kesên çekên kîmawî li Sûriyê bikar anîne.
Berdewamiya biserneketina navdewletî di vê çarçoveyê de, gefeke mezin li ser aştî û ewlehiya navdewletî çêdike, û dê bandorên xwe bi dirêjiya deh salên jipêre hebe, û ji dewletên çalak tê xwestin ku berpisyariyê bi şêweyekî tekane û tevayî hilgirin, û astengiyên ku Rûsiya ji dadweriyê re di vê doseyê de çêdike, aliyên din ji berpisyariyê efû nake, nemaze ku gef hîn berdewam in.
Raporên Saziyên Navdewletî û Mafnasî berpisyariya rêjîma Esed di ber bikarnîna çekên kîmawî de dijî gelê Sûriyê bêtir ji carekê tekez dikin.
Tewanên bi çekên kîmawî li Sûriyê ji tewanên bi çekên din çêbûne cuda nabin, rêjîm tewanan pêk tîne û gelê sûriyê dikuje û dorpêç dike û bi hemû alavên normal û yên ne normal wan işkence dike.
Ji mafê gelê Sûriyê ye daxwaza sepandina yasayê li ser hemûyan bike, û divê Civaka Navdewletî berpisyariyên xwe li hember tewanên cengê û tewanên dijî mirovahiyê yên li Sûriyê pêkhatine hilgire, her weha li hember binpêkirinên peymanên navdewletî yên bikaranîna çekên kîmyewî qedexe dikin, û di heman demê de berpirsyariya Encûmana Ewlehiyê di ber cîbicîkirina biryarên xwe yên pê ve girêdayî û di serî de biryara 2118 e.
Hevbendiya Niştimanî ya Hêzên Şoreş û Rikberiya Sûrî, carek din girîngiya çalakkirina xala 21ê ji biryara 2118a ya girêdayî bi ferzkirina tedbîrên piratîk dijî rêjîmê li gorî benda heftemîn tekez dike, û komlkujiya Dûma ya ku îro du sal di ser pêkanîna wê re derbas dibin, derî li pêşiya van gavên girîng vedike.
Hevbendiya Niştimanî ya Hêzên Şoreş û Rikberiya Sûrî
Beşê Ragihandin û Peywendiyan
7 nîsan 2020
