Daxuyaniyeke Rojnamevanî
Hevbendiya Niştimanî dijminkariyên eşkere û berdewam yên artêş û hêzên asayîşa Libnanê li ser penaberên Sûriyê yên bi behaneya ku ew çavkaniya terorê ne di Libnanê de şermezar dike, herçende ku terorîst ewe yê bi çek û dagîrkirinê dikeve di dewleteka din de, wek derbasbûna Hizublaha terorîst di Sûriya de li pêş çavê artêşa Libnanê, beruvajî Sûriyên ji Qlemûn û Humsê yên bêçek û dest vala derbasî Libnanê bûn ji tirsa teror û dagîrkirina Hizbulah ji Sûriyê re.
Heger artêşa Libnanê dixwaze fişara koçberiya Sûriyan ber bi Libnanê sivik bike, pêwîste rê li Hizbulah bigire û nehêle derbasî Sûriyê bibe û rê li beşdariya wê di kuştin û koçberiya Sûriyan de bigire.
Hêjayê gotinê ye ku doxên girtin û bêzarkirina penaberên kampan zêde dibin her wek li kampa Ersal û Biqa’h bi sedema wernegirtina form û muhletên fermî, ku piraniya wan belge û nasnameyên xwe yên kesayetî di Sûriyê de jidest dane û ew nikarin wan form û nasnameyan wergirin ji ber giraniya behayê derxistina wan,ku piraniya penaberan li jêr baredoxên abûrî yên dijwar de dijîn, herwiha ku êrîşên topxaneya Libnanê li ser awareyên derveyî tixûbên kampa Ersal dubare dibin ku di bûyerên Ersal de 50 kes şehîd ketin bi sedema topbarankirina artêşa Libnanê.
Ji aliyekî din ve hejmara girtiyên Sûrî di zîndanên Libnanê de gihiştiye hejmara girtiyan di girtîgehên rêjîma Esed de bi sedema nekarîna wan ya darayî bi derxistina formên niştecêbûnê û serastkirina rewşa xwe li Libnanê.
Hêjaye ku şoreşgerên Qelemûn gelek caran di daxuyaniyên xwe de tekez kirine ku ew artêşa Libnanê pesend dikin bi artêşeke Cîranê Sûriya paşerojê ya serbixwe, herwiha ku ew bi neçarî derbasî Cîrûda Qlemûn bûne piştî dagîrkirina Hizbulah ji navçeyên wan re ku ew niha hewl didin navçeyên xwe rizgar bikin ne wek daxuyaniyên Hizbulah ya ku dixwaze berê artêşa Libnanê bide Cengê.
Nexem Xadirî
Cêgira serokê Hevbendiya Niştimanî ya hêzên Şoreş û rikberiya Sûriyê
25 gulan 2015