Daxuyaniyeke Rojnamevanî
Hevbendiya Niştimanî tawankariya firokên rêjîma Esed ya li êvariya îro li ser taxên nişteciyan li bajarê Helebê şermezar dike, û tekez dike ku ev binpêkirineke xuya û eşkere ye ji rêkeftina agirbestê re, û hewleke bo bikaranîna wê ji bona berdewamiyê bide bo pêkanîna tawankariyan li dijî xelkê sivîl.
Hevdem Hevbendî vê binpêkirinê bi gurkirinek metirsîdar li qelem dide di zincîra binpêkirinên rêjîma Esed ji agirbestê re, û nîşanderekî nû ye li ser merema wê bo beravêtîkirina her pêgavekê ber bi çareseriya siyasî, û cext dike li ser hevparbûna dagîrkeriya Rûsiya û berpirsyatiya wê di ber kuştina gelê Sûriyê de, ku ev yek rêdigir e li pêş wê ku bibe çavdêrê vê agirbestê yan bibe gerantî bo piroseya siyasî.
Hevbendî tekez dike ku ev binpêkirinên berdewam ji aliyê rêjîma Esed û bi piştgiriya dagîrkariya Rûsiya, dibe alavê bêkarîkirina destpêşxeriyên agirbestê û dibin geke rasterast li ser pêvajoya piroseya siyasî li sûriyê, û rewşê ber bi zêdebûna hevrikiyê dibe, û derwazeyek berferehtir ji terorê re peyda dike û berdewamiyê dide tawankariyan di derheqê xelkê Sûriyê de.
Hêjaye di bîr bînin ku opozisyonê emze li ser agirbestê kir, bi mercê ku demkî be û aliyê din pabend be, ne ku belgenameyek dawiyê be herwiha nayê bi wateya ku artêşa azad û hêzên emzekirî bên bêparkirin ji mafê bersivdanê.
Hevbendiya Niştimanî Ya Hêzên Şoreş Û Rikberiya Sûriyê
Nivîsîngeha Ragihandinê
11 adar 2016
