Merovên hêja li welatê min yê hezkirî
Merovên min li her deverekê
Silav û rêz
îro rewş li Sûriyê gihaştiye qonaxeke nû ya ku ti carî berê negihîştiyê, Sûriya ku berhemên xwe ji cîhanê re dişandin, îro zêdetir ji 85% mirovên wê di bin xêza xizaniyê de ne, û zêdetir ji 11 mîlyonan ji wan hewcedarî alîkariyên mirovahî yên cûrbecûr in.
Ev 50 sal in, azadî û aborî û biryara gelê Sûriyê ji destê wî hatiye derxistin, heta di mijarên herî biçûk de.
Ji ber vê yekê şoreş vêket, ji bo ku em bihêlin ev gel karibe azadî û biryara xwe ji nû ve bi dest xwe ve bîne, û em di Hêzên Şoreş û Rikberiyê de , bi zelalî dibêjin, mebesta me ne bidestxistina desthilatê ye, lê armanca me ew e, gelê Sûriyê karibe desthilatdarên xwe hilbijêre.
Take-aliyê di ber êşên gelê Sûrî û hilweşandina aboriyê berpirsiyar e, Beşar Elesed û kesên derdora wî ne, ew di ber her tiştê ku qewimîne û diqewimîn berpirsyar in, vê koma çetan ya hukumdar, samanên Sûryê û aborî û pêşeroja wê ji bo berjewendiya Rûsya û Iranraê di riya peymanên şermezarkirî re kirine giraw, da ku gelê Sûriyê demeke dirêj nirxên biha bide berdêla ku ev komçete desthelat bimîne.
Em ji bo hûrbînkirina hemû rêkeftin û peymanên ku hatine imzakirin dixebitin, û ger bandora wan li pêşeroj û serxwebûna Sûrîyê hebe wan rawestînin, ji ber ku ew ji alîyê dezgehek nerewa ve hatine îmzekirin.
Ev komçete amade ye serê xwe li pêş herkesî bitewîne, lê ber bi daxwazên gelê Sûriyê ve nayê, û dê hewl bide ku xwe ji yasaya Qeyser bide alî.
yasaya Qeyser ji bo Parastina Sivîlan e, û bi taybetî berjewendîya vê komçetê û şaxên wê yên ewlehiyê û mezintirîn tewankaran armanc dike, her weha hemî kesên ku piştgirîya rêjîmê di kuştinê de kirine, ji dezgeh û kesan, û nehêle ku ev tewankar sûdê ji Vetoya ku demek dirêje Encûmana Ewlehiyê pûç kiriye werbigrin.
yasaya Qeyser sivîlan armanc nake û wan diparêze, û nêzî keresteyên xwarinê û alîkariyên mirovahî û bijîşkî nabe.
Ka em hemû Sûriyên li dijî rêjîmê derketine, yên qurbaniyên giranbuha di dîrokê de pêşkêş kirine bînin bîra xwe, ewên ji bo tevaya Sûriyê, ji bo hemû gelê Sûriyê, ji bo tevaya zarokên Sûriyê rabûn, daku hemû di welatekî azad, rûmetdar, ewle û pêşketî de bijîn.
Derfeteke rasteqîn li pêşiya me wek gelê Sûriyê bi hemû pêkhatên xwe ve heye, ku rola me di dariştina paşeroja Sûriyê de hebe, Sûriya ku em tev pê diramin.
Vê derfetê winda nekin, ji ber ku fersendên winda dibin pir biha ne, ew nirx giyan û êşan zêdetir dike, Gelê me êdî nema dikare zêdetir tehmol bike.
Her rojeke din ku ev komçete di hikumdariya Şamê de bimîne, dê Sûrî berdêlên zêde bidin.
Ev komçeta tenê bi zimanê kuştin û wêrankirinê dizane, û dê di riya çêkirina şer û êrişên nû re hîlebaziyan bike.
Ti pêşeroj ji Sûriyê re nîne bi berdewamiya vê komçetê li ser desaletê, û sûrbûna wê li ser çareya leşkerî.
Tiştê ku em îro bi vegera xwepêşandanan û tevgerê dibînin, xwedan wateyên kûr in, çi ji aliyê wateya diruşmeyan de, yan jî taybetmendiya deverên ku ev xwepêşandanan lê derketine, ji bo vê yekê silav ji ciwanên leheng li Elsiwêda, Daraa, Idlib, Şamê, Heleb, û Dêrazorê û li seranserê Sûriyê re.
Merivên min ên Sûrî:
Ev komçete di qonaxa hilweşandinê de ye, û tiştê îro dibin, nîşanên çêbûna Sûriyeyeke nû ne, Sûriya azadî û rûmet û serfiraziyê.
Divê em hemû di asta berpisyariyê de bin, ji bo gelê me û paşeroja wî.
Divê em yek bin, û tevgerê ji bo rizgariyê bidomînin, û ber bi siberojeke baş ve biçin.