Îro firokên Rûsiya êrîşeke dijminkarî li dijî xelkê me li Himusê pêk anîn, ku di encama wê êrîşê de 37 sivîlan jiyana xwe jidest dan û di nav wan de 5 zarok û fermanberekî berevaniya sivîl hebûn. Di dema ku em vê êrîşa dijminkarî ya Rûsiya li dijî gelê me şermezar dikin, hevdem em daxwazê ji Civaka Navdewletî dikin bi taybetî ji Netewên Yekgirtî û ji dewletên bi bandor ku vê dijminkariyê pirotisto bikin û daxwaza standina pêgavên pêwîst dikin li hember encamdana êrîşin din, û daxwaza derketina sercem hêzên biyanî ji Sûriya dikin: Rûsiya û Îran û DAÎŞ û Hizibulah û çeteyên hevalbendên wan.
Em daxwaza standina sercem rêşûnên pêwîst dikin bo parastina sivîlan wek pêgavek pêwîst bo her piroseyek siyasî û qonaxa veguhêz bê hebûna Esed û her encamderekî tawanên şer û tawanên dijemirov. hat xuyakirin ku daxuyaniyên Rûsiya ku destêwerdana wê ji bona dijayetiya DAÎŞê ye, bitenê xapindin bûn û hewldana bo dirêjkirina jiyê rêjîmeke dad jidest dayî ye, ku sercem şêweyên tawanan li dijî gelê Sûriyê encam daye û cebilxaneya xwe bikar anîye, tevlî vê yekê jî têk çû di şikandina vîna gelê Sûriyê de ya ji bona bidestxistina azadî û rûmeta xwe derket, ku niha rêjîm bitenê 14% ji xaka welat kontrol dike, herwiha ku dagîkeriya Îranê û mêlîşeyên tayifeperist jî nikarîn wî rizgar bikin, û herwiha ew wê mifayê ji destêwerdana Rûsiya jî nebîne, û wê çarenivîsa wî têkşikestin û binketin be. Li vir pêwîst e ku em li ser mafê gelê Sûriyê ji bona rizgarkirina welatê xwe ji dagîrkariya dualî ya Rûsiya û Îranê tekez bikin, hevşan ligel têkoşîna wî ji bona bidestanîna armancên şoreşê di azadî û rûmetê de.
piştî çar sal û nîvan li ser Şoreşa Sûrî ji êş û azarên piraniya xelkê Sûriyê ji koçbarkirin, kuştin, eşkencedan, birçîbûnê, pêşindeya me ya di serî de ew e, Sivîl bêne parastin ji dagîrkariya dualî ya Rûsiya/Îran, û ji bermîlên rêjîmê û hovîtiya DAÎŞê, lewra em dubare daxwaza dirustkirina navçeyên tenah ji Civaka Navdewletî dikin û daxwaz peydakirina seqamgeriyê dikin ya dibe fakter bo hikumraniyek sivîl û rê li pêşiya ajawegeriyê bigire, ya ku rêjîm û teror û dagîrkarî li ser dijîn.
Navçeyên tampon take gerantî ye bo rawestandina koçberiya Sûriyan bo welatên din, herwiha wê nimûne be bo rêjîmeke sivîl ya firealî, ku rêz li jiyana mirov bête girtin û binyatên dewleta yasa û hevwelatîbûnê wê bête avakirin, û wê dubare bizavên niştecêbûn û avakirin û geşepêdanê belav bike.
Xalid Xoca
Serokê Hevbendiya Niştimanî ya hêzên Şoreş û Rikberiya Sûriyê
01 Çiriya pêşîn 2015