Daxuyaniyeke Rojnamevanî
Firokên Rêjîma Esed îro piştî nîvro Bajarê Şedadê li Parêzgeha Hesekê, bi êrîşeke asmanî ko tê de Mûşekên boşî bikar anîn amanc kirin.
Di encamê de heta nuha deh sivîlan jiyana xwe jidest dane û bi dehan birîndar veguhestine Nexweşxanan, piraniya wan derbên giran li wan ketine û jiyana wan di metirsiyê de ye, hem jî wêraniyeke mezin di sûka bajêr de çê kiriye, hate ragihandin ko cihê amanckirî bi tavayî wêran bûye.
Piştî têkçûnên peyapey li aniyên şer, Rêjîm dixwaze tola xwe ji sivîlan hilîne. Tev ko hemû şêweyên kuştin, wêrankirina dirindeyî ya ko di derheqê Sûriyan de bi Mûşek, Bermîlên teqîner, Çekên Kîmawî, û Bombeyên deryayî, û hem siyaseta xaksotandinê pêk aniye..
Em di Hevbendiya Niştimanî de tawankariyên Rêjîmê û bombebarankirina wê ya bitewşî li herêmên sivîlan protesto dikin.
Hem em dubare dikin û dibêjin her tawankariyekê ko Firokên Rêjîmê bikar tînin bi navê Encûmena Ewlekariya Navdewletî dibe, çimkî ew di parastinan sivîlan de bi pêkanîna herêmên parastî biser neket.
Her wiha em dozê dikin ko Hevpeymana navdewletî istiratîciya xwe biguhere û Esed têke lsteya karûbarê xwe yê pêşîn, çimkî ew yekemîn jêder û xwedan û birêveberê tiroristiyê li herêmê ye.
Salim Elmislit
Berdevkê Fermî yê Hevbendiya Niştimanî ya hêzên Şoreşê û Hevrikiya Sûriyê
31.Gulan.2015
