Daxuyaniyeke Rojnamevanî
Komkujiyên girseyî ji hêla rêjîma tawanbar û patronê wê yê Rûs ve, digel bêdengiya navdewletî têne pêkanîn, ku duh şemiyê (7’ê befranbarê), ji hêla hêzên dagîrker yên Rûsî, balafirên rêjîmê û milîsên Iranî ve zincîrek ji tawan û komkujiyan li deverên cuda cuda yên parêzgeha Idlibê hatin pêkanîn.
Sê komkujiyên cuda hatin pêkanîn û têde bi kêmî ve 21 sivîl hatin kuştin, ku piraniya wan jin û zarok bûn, tevî derdora pêncî birîndaran û wêrankirina jêrxaneya bingehîn bi awayekî mezin, ku bazar û dibistsnek li bajarokê “Bilyon” ji hêla balafirên dagirkeriya Rûsî ve hatin bombebarankirin, û malên gundê “Ebdîta” ji aliyê helîkopterên rejîmê bi bermîlên teqîner hatin armanckirin, hevdem ku komkujiyek li bazarekê gelêrî û dibistanek li bajarê “Al-Bara ” hate pêkanîn.
Di çarçoveya kampanya berdewam û sîstematîk de ya ji bo qirkirin û koçberkirina sivîlan û wêrankirina gund û bajaran, tenê di çend demjimêrên borî de, zêdetirî 23 navçeyên Idlibê rastî bêhtir ji 30 êrişên hewayî bi bombe û bermîlên teqîner û guleyên hewanan hatine topbarankirin.
Hevbendiya Niştimanî ya hêzên şoreş û rikberiya Sûrî, berdewam e di danûstendina bi welatên girîng yên navdewletî re, û berpirsiyariya xwe li hember tişta li li ser erdê diqewime piştrast dike, ku tawankariya rejîmê û hevalbendên wê li ser erdê, nîşanek rasterast e ji nebûna berpirsiyara helwestek cidî ji alîyê civaka navnetewî, û berdewamiya wê di temaşekirina li bûyeran û hêlana çêbûna karesatan.
Her kes dizane ku tawankar ji ber xwe dest ji tawanên xwe bernade, sûcdarên wekî Nazî, Faşîzm û Esed dev ji sûcê xwe bernedin, Hevbendiya Niştimanî ya Sûrî; civaka navdewletî wek berpirsiyara rasterast di ber hemû komkujiyên ji aliyê rêjîmê û sponsorên wê ve pêk tên dibîne, mîna hevparê bêdeng beramber tişta li ser erdê Sûriyê diqewime.
Hevbendiya Niştimanî Ya Hêzên Şoreş Û Rikberiya Sûriyê – Sûriya
Ofisa Ragihandinê
08.12.2019