Daxuyaniyeke Rojnamevanî
Bi şêweyekî hovane Firokên dijminkarên Rûsî û peyayên Esed bajarê Helebê, Idlib û Dareya bi taybetî bi Mûşekên valahî û Bombeyên Goşî û yên Napalm û Beramîlên Teqîner berdewam bombebaran dikin. Di encamê de 400 sivîl di hefteyekê de şehîd ketin.
Bombebarana pir û li pey hev piraniya nexweşxaneyên giştî û yên meydanî wêran kirin û ji xizmetê der kirin, her wiha amanckirina bargehên berevaniya sivîl û tîpên rizgarkirinê hişt ko hejmara qurbaniyan bêtir bibe çimkî alav têk çûn û karmend û endamên Kumên Spî, yên ko bi mêraniya xwe naskirî ne derb li wan ketine, di vê rewşa zêdebûna derdê miletê Sûrî.
Hevbendiya Niştimanî ya Hêzên Şoreşê û Rikberiya Sûriyê bi nûnerîtiya serokê wê û desteya siyasî û nivîsgeha yasayî, bang ji aliyên navdewletî re şand û di pêşiya wan de Netewên Yekbûyî, Yekîtiya Ewropî, û wezîrên derve yên Emerîka, Birîtaniya, Ferensa, Elmanya û Grûpa Piştgiriya Navdewletî.
li ser berdewamiya Rûsiya û Iran û Rêjîma Esed di pêkanîna tawankariyan û tawankariyên li dijî mirovantiyê li hemû parêzgehên Sûriyê û bi taybetî li Heleb, Idlib û Dareya li Gundewarê Şamê, ko firokên dijminan yên corbicor 120 êrîş rojane dane, û li cihên din bikaranîna gazên jehirkirî di operasiyonên bombebaranê wek gaza kilor ko bi sedan zarok û jin pê xeniqîne hatine belgekirin.
Hevbendiyê di belgehên taybet ji bo nûnerên navdewletî û rêkxistinên têkildarî evê mijarê tekez kir ko operasiyonên li dijî sivîlan û dezgehên xizmeta giştî, dijberî biryarên Encûmena Ewlekariyê ne û bi taybetî movika 13 ji biryara 2254 ya ko daxwaz kir ko bombebaran di cih de raweste. Bi taybetî anî ziman bargehên bijîşkî û bombebarana topan û ya asmanî ya bêserûber li dijî sivîlan û piştî heşt mehan, Encûmena Ewlekariyê û Civaka Navdewletî li ber cîbicîkirina biryarê bêçare ne bi sedema binpêkirina wê ji dewletekê ko li ser imze kiriye ew jî Rûsya ye.
Di derbarê evê yekî jî Hevbendiyê li ser evan xalan tekez kir:
1. Doz li Encûmena Ewlekariyê û Rûsya endama herdemî kir ko yekser bi biryara 2254 pabend bin û bi taybetî 12,13,14 û bombebaranê rawestînin û dorpêçê rakin û hêsankirina vegera penaberan û hilgira encama yasayî û siyasî û tawankarî ko sivîlan û desteyên bijîşkî û yên fêrkirinê û xizmetkariyê û yên olî ji wan jî Dêreke incîlî li Idlib amanc kirine.
2. Bikaranîna Napalma sotandinê û Bermîlên teqîner û Gazên jehrîn tawankariyên cengî ne li gora yasaya navdewletî ne. û mada 13 ji biryara 2254 ya ko dibêje bi yasaya navdewletî mirovî û yasaya navdewletî ya mafê mirovan pabend bin.
3. Daxwaz ji Emerîka û Yekîtiya Ewropî kir tako li dijî tawankarên cengê ji berpirsên Rêjîma Esed û milîtanên biyanî yên tirorist ko ji derveyî Sûriyê anîne û yên berpirs bi amanckirina sivîlan sizayên tund pêk bînin.
4. Doz li Enûmena Ewlekariyê kir ko li gora desthilatiya mafdariya wê ko dosya Beşar Elesed û hîmanên Rêjîmê wî yên ko tawankariyan bikar tînin û nahêlin veguhêza siyasî li Sûriyê çêbibe ber bi dadgeha tawankariyên navdewletî birê bikin. Û ewan wek tawankaran bihesibînin ji dêvila nameyên şaş ji wan re bişînin ko bêtir kuştinê bikin.
Hevbendiya Niştimanî dibîne ko serkeftina milet û Şoreşê ya ko li Helebê misoger bû Esed û hevalbendên wî bi hêstêrya xistin, ji ber vê jî gelek kuştar pêk anîn.
Di evê çarçoveyê de Hevbendî tekez dike ko sersariya civaka navdewletî û nerabûna bi berpirsiyariyên xwe dê tundiyê bêtir bike û hem hêviyên aştiyê û aramiyê ko Sûrî tev de dixwazin dûr ji zordarî û hîmanên wê û dagîrker û milîtanên wî, wê tune bike.
Hevbendiya Niştimanî ya Hêzên Şoreşê û Rikberiya Sûriyê
Nivîsgeha Ragihandinê
14.08.2016