Daxuyaniyeke Rojnamevanî
Hevbendiya Niştimanî binpêkirinên rêkeftina agirbestê yên berdewam ji aliyê hêzên rijêmê û milîsên wê dibin şermezar dike, û ji gerantîkerên agirbestê daxwaz dike ku bi berpirsyaretiya xwe rabin, û herwiha hişyariyê dide ji encamên oparesyona li dijî navçeya Ellicat ya ku nêzîkî 80 hezar kes ji sivîl û koçberan têde dijîn, hevdem ku xelkê navçeyê ji aliyekî li dijî Rijêmê radiwestin û li aliyekî din li dijî êrîşên rêxistina “DAIŞ” a terorîst.
Hevbendî amaje bi wê yekê dike ku sercem binpêkirinên agirbestê ji aliyê Rijêmê û hevalbendên wê dibin, tev jî bi şêweyê êrîşan e, ku ev yek helwesta wan ya rasteqîne li hember agirbestê diyar dike, ya ku armanca wê berdewamiya kuştin û dorpêçkirin û kontrolkirinê ye, ku ev yek erkên zêdetir têxe li ser milên aliyên garantîkar.
Hevbendî tekez dike ku jiyana sivîlan li Ellicat rastî gefên rasteqîn dibe, û hemû aliyên navdewletî dibîne berpirsyar, nemaze ku metirsî heye ji bikaranîna topbarandina bitewşî ji aliyê Rijêmê ve, û bikaranîna çekên qedexekirî li deverên asê yên ku tevger li wan dijwar e.
Hevbendiya Niştimanî Ya Hêzên Şoreş Û Rikberiya Sûriyê
Nivîsîngeha Ragihandinê
6 çilê paşîn 2017
