Hevbendî Kirdeyên (PYD) Li Dijî Kurdên Amûdê Şermezar Dike

Agahnameyeke Rojnamevanî
Hevbendiya Niştimanî ya Sûrî
27ê Tebaxa2014z

Bajarê Amûdê ji bajarên pêşîn e ko li dijî Rêjîma Elesed ya xwînrêj rabûye, û nuha ji aliyê çekdarên Partiya Yekîtiya Dîmuqrat ve (PYD) malên çalakvanan û yên Endamên hin Partiyên Kurdî tên têperkirin, û kelûpel û samanên wan malan tev de ji hev xistin û hin amanên kesane jî bi xwe re birin û hem jî gef li çalakvanan xwarine bi desdanîna ser  saman û malên wan, û wan ber bi Tirkiyê ve sirgûn bikin.

Ji ewan çalakvanan yên ko têwerdana mala wî  hatiye kirin, çalakvan “Siwar Hito” ye ew endamê Hevrêza Amûdê ye û Sirûdbêjê Şoreşê ye û yek ji Birîndarên kuştara Amûdê ye, û ji wê hingê ve bidûrxistî û sirgûnkirî  ye, yê din yê ko mala wî jî têper bûye “Memdûh Tixûbî” ye, Endamê Partiya Dîmuqrata Kurdistanî-Sûriyê ye, û ew bi welatparêzî û şoreşgerî û xebata xwe ya  siyasî li dijî Rêjîma Elesed navdar e, û ji kesayetiyên naskirî ye, berê jî gelek caran toşî girtin û peydeçûna PYD bûye.

Xuya ye ko ev kar parçeyek ji pîlaneke nîgarkirî ye ji aliyê evê Partiyê ve , da Herêmê ji xelkên wê  vala bike ji Efrînê pêkeve ta Tiltemir û Serê Kaniyê û û Dêrikê.

Hevbendiya Niştimanî Sûrî evan kirdeyên tirsnak yên ko (PYD) li dijî çalakvanên Kurd û Serperiştên Partiyên Encûmena Niştimanî Kurdî bikar tîne protesto dike, herweha Hevbendî li kêleka çalakvanan dimîne û piştgiriya xwe ji hêz û kesayetiyên şoreşger û niştimanperwer re ji Kurd û Ereban radigehîne, û hişyariyê dide ku divê ev riftar rawestin ji ber ku nakokî û gelaciyê peyda dikin .  

Dilovaniya xweda ji şehîdan re