Daxuyaniyeke Rojnamevanî
Milîtanên “PYD”ê zêdegavî û êrîşên xwe yên terorîstî li dijî gelê kurd zêdetir kirine bi armanckirina nivîsîngehên ENKSê li piraniya bajarên bakurê Sûriyê, bi behane û biryar û fermanên neyasayî, yên hatine standin ji hin rêxistinên ku nûnertiya gelê Sûriyê nakin û rêz li îradeya wî nagirin, bi hewlên xistina fişaran radibin ji bo bidestxistina hindek ji rewatiyê bi terorê û darê zorê.
Di dema ku Hevbendî tekez dike ku ev kiryar rewayê nade wan milîsan, hevdem amaje bi wê yekê dike ku ew ferman li ser rêxistin û partiyên alîgirên desthilata Bişar pêk nayên, û ev nîşanek beloqe ku PYDê erkdarkirî ye ji bo dijîtiya rikberên rêjîmê û nemaze gelê kurd, û herwiha li dijî tevgera siyasî û şoreşgerî ya ENKSê, ya ku pabend bûye bi hêla xebatê û li kêleka hêzên opozisyon û şoreşa Sûriyê ji berî şeş salan ve rawestiyaye.
Hevbendiya Niştimanî van kiryarên terorîstî şermezar dike û ji civaka navdewletî daxwaza bikaranîna fişaran li dijî van milîsan û dûvelankan dike, ji bo rawestandina kiryarên wan yên serkutkirinê yên guncayî ligel tawanên Rijêmê.
Şikodarî ji bo şehîdan û saxî ji birîndaran re,
û azadî ji girtiyan re,
bijî Sûriya û gelê wê bi azadî û serbilindî.
Hevbendiya Niştimanî ya hêzên şoreş û rikberiya Sûriyê
Ofîsa Ragihandinê
16 adar 2017
