Daxuyaniyeke Rojnamevanî
Hevbendiya Niştimanî ya hêzên şoreş û rikberiya Sûriyê, bikaranîna sivîlan wek mertalên mirovî ji aliyê rêxistina “DAÎŞ”ê li gundên Babê li bakurê Helebê şermezar dike.
Herwiha metirsiya xwe nîşan dide li hember pêkanîna komelkujiyên qirkirinê li dijî sivîlên girtî û desteserkirî yên di bin li destê wê de, wek heman komelkujiyên di derheqê bidehan ji sivîlên bêguneh yên Dêrazorê yên ser bi hoza Elşi’êtat ve hatine pêkanîn.
Hevbendî tekez dike ku armanckirina sivîlan bi mebesta tirsandin û koçberkirina wan ji cih û warên wan, û herwiha revandina 700 hemwelatiyên Kurd yên leşkeriya neçarî ya hatî sepandin ji aliyê DAÎŞ’ê ve li navçeyên dibin destê wê de red kirin, ku ev yek karekî bi hemû pîverên mirovî şermezarkirî ye, û hevdem hişyariyê dide li ser bikaranîna wan wek mertalên mirovî di çeperan de.
Em ji civaka navdewletî daxwaz dikin ku bi erk û berpirsyaretiyên xwe yên rewştî û yasayî rabe, bi rêka pêdagiriya wê bi piransîpên mirovî yên li ser binyatên dad û azadiyê, û herwiha piştgiriya xebata gelan li dijî rêjîmên zordest û li dijî rêxistinên tundrew û milisên çekdar yên li kêlek rêjîma Esed disekinin.
Û rêjîma Esed hêjî yekem piştgirê terorê û terorîstên li Sûriyê ye, û ji civaka navdewletî tê xwestin ku pêgavên wêrek û diyar bavêje, ji bona pêşvebirina piroseya siyasî bi rêka cêbicêkirina xalên daxuyaniya Jinêv1 û biryarên NY yên pêwendîdar.
Hevbendî hevxemiya xwe li hember revandina zarokên xelkê me li Babê, ji berî du rojan ji aliyê DAÎŞ’ê ve têne ziman, hevdem ji wan daxwaza hevkarî û hevgirtinê dike, û hişyariyê ji lîstokên destekên Rêjîmê dikin, dide wan, ji bona belavkirina fitnê di navbera xelkê welat de.
Rehma xwedê li şehîdan be,
saxî ji birîndaran re,
azadî ji girtiyan re,
bijî Sûriya û gelê wê bi azadî û serbilindî.
Hevbendiya Niştimanî Ya Hêzèn Şoreş Û Rikberiya Sûriyê
23 cehzeran 2016
