Daxwiyaniyeke Rojnamevanî
Hûrgiliyên ku lêkolîna ku girûpekî ji Navenda Vekolînên Stratîcîk ya Navdewletî weşandiye, diyar dikin ku rijêmê karîbû bi melyonên dolaran ji nirxê alîkariyên navdewletî bidize, di riya lîstina bi xurdekirina leyreya sûrî re, ew jî tê wateya ku bexşînkarên navdewletî bûn alîkarê rijêmê, rijêma ku di riya van rêşûnan re karibû di vê salê de destên xwe deyne ser rêjeya 51 % ji her dolarekî ji yên ku Netewên Yekbûyî wek alîkarî dişîne.
Û weko bûyerên berê vê lêkolînê hîn bêhtir şêweyên talan û diziya ku rijêm pê radibe eşkere dike, ew jî tê wateya ku saziya navdewletî di rêvebirina doseya alîkariyan de neserkeftî bû, daku bi awaykî misoger bighîne xelkên ku hewcedarî wan alîkariyan e, û rê li pêşiya destdanîna ser wan alîkariyan ji hêla çeteyên rijêma Esed bigire.
Doseya alîkariyan dergehekî mezin e ji dizî û talanê re, û divê saziya navdewletî bi guhdaneke mezin û hişyarî bi vê doseyê re bide û bistîne, daku saziya navdewletî an alîkariyên navdewletî nebin şêweyek ji şêweyên peredana rijêmê û milîsên wê di kuştina gelê Sûrî de.
Hevbendiya Niştimanî daxwaza lêpirsînê bi tevaya aliyên bi vê doseyê ve girêdayî ji Netewên Yekbûyî dike, û her kesê di rêxweşkirina van bazarên genî de an derbarê wê gendelyê bê deng mane siza bike, her weha cizakirina xwediyên çi kiryarên ne rewa û çi destdirêj an binpêkerên ku alîkarî pêre kirine.
Ji Netewên Yekbûyî tê xwestin ku mîkanîzmên kartêker bisepîne, daku gihandina alîkariyên hawarçûnê û piştgiriya pêwîst bo xelkê me yên li deverên ku di bin kontirola rijêmê de misoger bibe, bêyî ku di kuncikên gendeliyê yên ku asayîş û çeteyên girêdayî rijêmê rêvebiriya wê dikin re derbas bibe, û nehêle ku alîkarî bêtin dizîn an di peredana cenga ku rijêm dibe ser gelê Sûrî de bikar were, an wan alîkariyan li ser kesên ku komelkujiyan dermafê vî gelî pêk tînin belav bike.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
28 çirya pêşîn 2021
