Daxwiyaniyeke Rojnamevanî
Hevbendiya Niştimanî ya Sûrî, pêşwaziya helwestê Emrîka û pabendiya wê bi sizakirina tawanbarên cengê li Sûriyê dike, û piştgiriya destpêşxeriya ku ji aliyê Nûnera Emrîkî Balyoza di Encumena Ewlekariyê ya Navdewletî de Linda Thomas Greenfield ve hatiye pêşkêşkirin dike, yaku têde daxwaza avakirina mîkanîzmeke dadgehî ya taybet bi dadgehkirina kesên di ber binpêkirina mafên mirovan û tawanên dijî mirovahiyê û tawanên cengê de li Sûriyê berpistar in kiriye.
Rêvebiriya Emrîkî dikare di vê riyê de here û tiştên têne xwestin bo cîbicîkirina biryarên navdewletî kom bike, ji ber ku hemû tiştên têne xwestin bo tevgereke navdewletî weke sîwaneke yasayî jêre li gor biryara 2018an û raporên Komîteyên Lêpirsînê yên Navdewletî li ber destan in, yên ku tekez kirine ku rijêm di ber binpêkirina biryarê û bikaranîna çekên kîmawî dijî sivîlan de berpisyar e, her weha kartêkerkirina beşê şeşemîn ji Peymana Netewên Yekbûyî.
Tawanên cengê yên metirsîdar yên ku rijêmê bi dirêjiya deh salên bûrî pêkanîne û kuştina melyonek Sûrî û koçberkirina nîvê xelkê Sûriyê û rûxandina jêrxaniyên welêt û bikaranîna çekên li ser asta navdewletî qedexekirî ew hemû daxwaza mîkanîzmeke navdewletî vebir bo rûbirûbûn û sizakirina kesên di ber de berpisyar dike, ew jî dê bi tenê di riya cîbicîkirina cidî ya biryarên navdewletî re pêk were.
Hevbendiya Niştimanî careka dî tekez dike ku doseya bi vê qebareyê di riya danûstandina li gel tawanbaran û bendewariya pabendiya wan re nayê çareserkirin, lêbelê ji erkê yasaya navdewletî ye ku bilve, daku misoger bibe ku tawanbar ji sizayê rizgar nabin, û kar li ser çespandin û bicihanîna serdariya yasayê bibe.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
3 kanûna pîşî 2021
