Daxwiyaniyeke Rojnamevanî
Hevbendiya Niştimanî ya Sûrî hişiyariyê ji temamkirina pirojeya Îranî ya kirêt li Deraa û tevaya başûrê Sûriyê dide, yaku rijêma tawanbar bi pişkdariya Rûsiya cîbicî dike, pilana ku dixwaze guhartinê di bingeha nişteciyên deverê de çêbike, di riya berdewamiya dorpêçkirin û bombebaranê ta bighêje koçberkirina kotekî dermafê nişteciyên resen, daku teroristên milîsên Îranî yên mezhebî li şûna wan bicî bikin.
Û Hevbendî hişyariyê dide ku ziyana vê pirojeya kirêt netenê dighêje Horan an Sûriyê, lêbelê metirsiya vê pirojê dê bighêje hemî dewletên deverê, nemaze Urdina bira û dewletên Kendava Erebî, û got ku ji ber vê em daxwazê ji birayên xwe yên ereb dikin ku desttêwerdaneke yekser bi hemû giraniya xwe ya navdewletî bikin, ji bo ku xelkê Deraa rizgar bikin, û dorpêçkirinê ji ser wan hilînin, û wan ji hovîtiya milîsên Îranî û hêzên rijêma tawanbar biparêzin.
Ji dewletên çalak di civaka navdewletî nemaze Emrîka û Yekîtiya Ewropa tê xwestin ku tevgereke yekser bikin, ji bo ku nehêlin rijêma tawanbar di tawanên xwe de dermafê gelê Deraa berdewam bike.
Hevbendî hişyariyê ji xapên Rûsiya û yên pêve girêdayî dide, ku behsa hebûna lihevkirinekê li gel Tirkiyê bo koçberkirina Xelkê Deraa dikin, û ew bi xwe gotinin nerast in, û xelkê me li Deraa baş derew û xap û pîlanên Rûsiya nas kirine.
Hevbendiya Niştimanî pesna pêdarî û mêrxasî û lehengiya xelkê me yên Horanê û millimilbûn û hevkarî û rijdiya wan li ser mana li ser xaka xwe dide, û dibîne ku çi pirojeyê nû derbarê koçberkirin û qewtandina çi welatiyê Sûrî ji erd û malên wan tawana cengê û tawana dijî mirovahiyê ye, û li lîsteya tawanên dirêj yên rijêma tawanbar û sponserên wê zêde dibe, û divê xwediyên van tawanan siza bibin.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
4 Rezber 2021
