Daxwiyaniyeke Rojnamevanî
Hevbendiya Niştimanî ya Sûrî rewşa jiyanê û ya mirovî a ku deverên di bin kontirola rijêma Esed de gihiştinê dişopînê, û tekez dike ku rijêma Esed berpisyarê sereke ye di ber kirîzên li seranserî Sûriyê de, û Hevbendî vê yekê di riya van xalan re eşkere dike:
-Rijêma Esed berpisyarê sereke ye di ber kirîzên jiyanê yên ku xelk li deverên di bin kontirola wê de rastiyê tên, ji ber xurtkirina wê ji milîsên li deverên xwe re, û gendelya ku di tevaya beşên wê de belav bûye, û dizîna alîkariyên mirovî yên ji xelkê re hatine terxankirin, û belavkirina wan alîkariyan li ser milîsên ku anîne da pê sûriyan bikujin, nemaze piştî dîtina bisedan tonên alîkariyên mirovî yên sereke ên ku piştî di embarên rijêmê de genî bibûn hatibûn binaxkirin.
Hevbendiya Niştimanî belê dikşîne ser ku rijêma Esed tenê girûpeke çeteyan a desthilatdariyê li Sûriyê dike ye, û ew ne rijêmeke rewa ye li welêt, ji ber ku derdeseriyên xelkê û pêdviyên wan yên sereke paşguh dike, û alîkarî û xêrûbêra welêt ji beşekî teng ji kesên xwedîrol di rijêmê de re terxan dike, û yên ji ber dimînin li ser endamên artêş û alîgirên ku sûdê ji wan dibînin belav dike, û xelkê hewcedarên çi cureyên alîkariyan û xizmetguzariyên pêwîst bo jiyanê bêpar dihêle, di dema ku nirxê lîreya sûrî berve astên dîrokî dirûxe, gel di bin destê gendeliya rijêma Esed de tê hiştin.
Hevbendiya Niştimanî, ji ber rewşa mirovî ya xirab û dijwariya jiyana xelkê, daxwaza derbasbûna alîkariyên mirovî di sînor re bo bakurê Sûriyê bi awayekî herdemî dike, û alîkariyên pêwîst bo deverên dîtir bi serpereştî û çavdêriya Netewên Yekbûyî û nûnerên dewletên piştevan dabîn bibin, dûrî destwerdana rijêma Esed.
Hevbendiya Niştimanî tekez dike ku pêwîstiya Sûriyê bi karînên tevaya xelkên wê yên ku li deverên cuda dijîn heye, da ku ji rijêma hov a serkutkirinê rizgar bibin, û piştgiriya tevaya dengên daxwaza azadî û rûxandina rijêmê û avakirina dewleteke azad û rûmetdar dike, ya ku têde xelkê wê serbilind û bi ewlehî bijîn, û baweriyê bi şiyana gelê Sûriyê tine, di pêkanîna guhartinê di rewşa niha ya xerab a ku Sûriyê gihştiyê bi sedema rijêma ku hîna hewldana xapandina xelkê di riya biryar û mersûmên zêdekirina mûçeyên şeklî dike, ew zêdebûna ku bûye sedema mezinbûna kêşeya jiyanê ji ber ku hevdemî bihabûna tiştan ya nû di nirxê keresteyan de û rûxandina bihayê leyreya Sûrî hat.
Hevbendiya Niştimanî peyamek arasteyî civaka navdewletî, Amerîka, Yekîtiya Ewropî û dewletên Ereb ji bo sererastkirina rewşa aloz li Sûriyê dike, ji ber ku divê ew vê rastiyê bizanin ku rijêma Esed li Sûriyê bingeha pirsgirêkan e, û kirîz tenê bi rizgarkirina Sûriyan jê çareser dibe, û daxwaza pêkanîna veguheztineke siyasî li gorî biryara 2254 ji dewletan dike, û ku guh nedin destpêşxeriyên bêencam ên rijêmê, û derfetan nedin rijêmê, ji ber ku ew windakirina demê ye, û ew her derfetê ji bo pêkanîna tawanên nû dermafê sûriyan bi kar tîne.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
17 tebax 2023
