Daxuyaniyeke Rojnamevanî
Berlîn, 09.11.2016
Şanda Hevbendiya Niştimanî Sûrî bi serokatiya Enes Elebde digel wezîrê derve yê Elmanî Firank Valter Şitayinmer îro çarşemê li Berlînê Paytexta Elmanya civiya.
Elebde spasiya Wezîrê derve Ştayinmer kir li ser piştgiriya Elmanya ya berdewam ji miletê Sûrî re bi taybetî alîkariyên mirovî û rola wê di çareserkirina qeyrana penaberan de, her wiha herdu aliyan rêbazeke nû û tekûz ji bo qeyrana Sûriyê ko pêşî giringiyê dide parastina Sivîlan gengeşe kirin, û xweşhaliya xwe bi hilbijartina serokê nû yê Emerîka Donald Tiramp dan xuyakirin.
Di gotina xwe de ya li ser Civînê Elebde got: “em xweşhal in bi hilbijartina Donald Tiramp wekû serok ji Emerîka re û bi hêvî ne ko bi roleke serpereştî digel tîma xwe li Sûriyê rabin, û hêvî dikin ko nerîna rexnegerên xwe şaş derxîne û bi roleke mezintir rabe da gavin diristî di parastina sivîlan de bavêje. Û di vê mijarê de me xweşhaliya xwe bi pabendiya wezîrê derve yê Elmanî Ştayinmer da ko piştgiriya gavên pêdivî ji bo parastina sivîlan bike.”
Wezîrê derve yê Elmanî diyar kir ko welatê wî digel me ye bi amanca me ya hevbeş ko em bigihên çareserkirineke siyasî li Sûriyê û pabendiya me ko rêjîma Esed çi rola wê di paşeroja Sûriyê de tune be û ne di jî di veguhastinên siyasî de, û bi bawermendî ber bi dewleteke dîmuqratî û piralî ve biçe. Her wiha me tekez kir ko em bêtir bikin tako paşeroja Sûriyê li gora ko miletê wê hêjaye dabîn bikin. Her wiha me xweşhaliya xwe bi ragihandina wezîrê derve yê Elmanî da xuyakirin ko welatê wî bi hemû bijarteyên ko vê amancê misoger dikin pabend e, û nêta wê heye civînekê digel şirîkên xwe yên Ewropî dawiya vê Hefteyê lidar bixînin tako pêngavên pêş gengeşe bikin.
Her wiha me dubare ji şirîkên xwe yên Elman re tekez kir li ser pêdivî bi avêtina gavine xuyanî ji bo parastina sivîlan li Sûriyê bibe, û bi taybetî wekîlê emîndarê giştî yê Netewên Yekbûyî yê karûbarê mirovî Stîvin Obrayin vê dawiyê da xuyakirin ko berpirsiyariya parastina sivîlan dikeve ser milê dewletên endam di Netewên Yekbûyî de, yên ko alavên leşkerî bo parastina sivîlan libal wan hene.
Û nehêlana hemû êrîşên bêserûber bi avakirina herêmeke bêbombebaran li hemû aliyên welat û gefdan bi derbeyên xuyanî li ser bargehên rêjîmê ji gemiyên cengî, û ev ê bihêle ko gelek bêne parastin û dê gihandina alîkariyan hêsantir bike, û derbiderî û tundrewiyê jî kêmtir bike û rêjîmê mecbûrî vegera danûstandinên Cinêvê bike, ji bo li ser veguhastina siyasî danûstandinê bike.
“Me doz li şirîkanên xwe yên Elman kir ko bêtir fişarê bidin ser yên ko piştgiriya rêjîma Esed dikin, bi rêya ferizkirina sizayan bi navgîniya Yekîtiya Eworpî, dijî kiyanên Rûsî û tawankariyên wê yên cengê, ku herdem piştgiriya rêjîma Esed bi çek û mal dike. Hatiye xuyakirin ko rêjîma Esed û Rûsya dev ji çareserkirina leşkerî li Sûriyê bernadin eger ne mecbûr bibin.”
“Li dawiyê me dîsa tekez kir ko bobelata nuha li bajarê Helebê dibe, encama têkçûna Civaka Navdewletî di parastina sivîlan de ye, û têkçûn di rakirina dorpêçê ji ser herêmên dorpêçkirî de ye.
Çi plan ji bo diristkirina rewşê li Helebê û li Sûriyê bi giştî hebe, divê nebe sîwaneke ji koçkirina sivîlan re, û di vê derbarê de em spasiya Elmanya dikin ko bi parastina sivîlan pabend e.”
