Daxuyaniyek Rojnamegerî
Di dema ku tevger û bizavek berfireh derbarê rewşa Sûrî di meydana navdewletî de heye, Rûsya û Iran êrîşên xwe yên azmanî û li ser erdê bi ser milletê Sûrî de berdewam dikin, ku di encamê de 1700 sivîl şehîd ketin,û zarok û jin jî di nav wan de hene.
Hevbendiya Niştimanî Sûrî Bo Hêzên Şoreşê û Hevrikiya Sûrî, di heman dema ku bi guhdan hemû tevger û bizavên siyasî û hevdîtinên Viyêna dişopîne, tekez dike ku rawestana êrîş û operasyonên bumbebarankirina azmanî, şerê dijî tirorê bi hemû cureyên xwe û di pêşî de tirora rejîma Esed, Daiş, û Hizbilla, pêkirina bi nerînên Cinêvê, û biryarên ku jê derçûn, bi taybet biryara nemre 2118 bingeha berdewamiya operasyona siyasî pêk tînin, ku pêkanîna desteyek fermandar û veguhêz bi desthilatiyek tekûz û veguheztina desthilatiyê li Sûryayê ber bi rejîmeke sivîl û dimuqratîk misoger bike.
Hevbendiya Niştimanî dibîne ku koçkirina Esed merceke sereke bo serkeftina çi serastkirina siyasî ye, û divê tu rol ne ji wî re û ne ji kesên ku destê wan bi xwîna kesên Sûrî bûye di tu qonaxên veguhêz yan berdewam tune be.
Di vê çarçoveyê de tekez dike ku divê hemû aliyên beşdar di civînên Viyêna de, ciddiyeta xwe bo gihiştina çareyeke siyasî diyar bikin, destpêkê ji mikurbûna eşkere û zelal bi daxuyaniya Cinêv û biryarên Encumena Ewlehiyê yên têkildar, û bi tu karên leşkerî dijî milletê Sûrî ranebin.
Hevbendiya Niştimanî dibîne ku pêkirina wê bi çareya siyasî ji baweriya wê bi rawestana tundî û kuştinê û parastina giyanê xelkên Sûrî dertê, lê divê ev yek nebe sedema hiştina xelkên Sûrî wek qurbanî bo kuştar û kuştina hovane ku rejîma Esed û milişiyên Iran û Hizbilla û firokên dagîrkerên Rûsî pê radibin, û divê dewletên dost û heval, û Civaka Navdewletî pirsyariya xwe di piştgiriya hêzên şoreşa Sûrî, û kar bo bidawîkirina kirêzê bi hemû awayên berdest hilgrin.
Hevbendiya Niştimanî Bo Hêzên Şoreşê û Hevrikiya Sûrî
Desteya Siyasî
29 Cotmeh/Oktober 2015
