Esayişên Partiya Yekîtiya Demuqrat PYD îro Pêncşemê 29 Cotmehê ofîsa partiya Yekîtî ya kurd li Sûrî li bajarokê Tiltemir girtin, li gor ku Behcet Şêxo rêveberê ofîsê ji malpera Hevbendiyê re ragihand û got “esayişan em ji roja çarşemê ve bi şêweyekî devikî agehdar kiribûn ku divê em muhletê ji rêveberiya xweser ya bi ser PYDê ve wergirin lê me ev yek ji wan nexwest” .
Enwer Naso endamê komîta siyasî ya P.Y.K û endamê Encuman Niştimanî ya Kurd ev kiryar şermezar kir, û bi çewisandina dengê li dijî kiryar û biryarên PYD nirxand.
Naso ji malpera me re got” ev biryar yekalî ye ji hêla rêveberiya xweser ve , ev rêveberî nerewa ye , li herêma kurdî bi zorê hatiye ferzkirin, û em ti destûrdanê ji wê wernagirin, û wê helwesteke zelal bi navê ENKS di derberê vê yekê de bê ragihandin”.
Her wiha Naso bal kişand ku ta vê qunaxê navend û ofîsên partiya Be’s û yê hêzên ewlekariyê li Qamişlo vekirî ne, çima rêveberî doza destûranînê li wan nake.
Jêder : Hevbendî
