Daxuyaniyeke Rojnamevanî
Li hember serkeftinên berdewam yên Şoreşgerên Sûriyê li ser xakê, Rêjîma Esed bêçare maye, tenê dixwaze bi kuştina pir û avêtina Bermîlan bi ser sivîlan de û bikaranîna çekên qedexe di bin sîbera bêdengiya civaka navdewletî de hebûna xwe cîbicî bike.
Ne hêsane mirov bihejmêre bê çend caran Rêjîma Esed derandina Yasaya Navdewletî kiriye û biryarên navnetewî têk birine. Mezintirîn kuştar û tawankariyên cengê li dijî mirovahiyê bi taybetî yên çekên kîmawî pêk anîne. Îro firokên Perwane yên Rêjîma Esed bajarên Sifûhin û Bişêriyê li Gundewarê Idlib bi Bermîlên kilor armanc kirine, piştî ko doh Gundê Kinisfira bombebaran kir. Di encama êrîşên Firokan de gelek rewşên bihnçikandinê li nav sivîlan de çê bûn û ew bilez birin Nexweşxanên gorepanî û ji nav wan jî bi kêmanî zarokek hebû.
Roj bi roj tekez dibe ko hemû biryar û peymanên navdewletî û biryarên Encûmena asayişê yên ji bo çekên kîmawî bi rêjîma Esed re kêr nakin. Û her derengbûn di ferizkirina Herêmên qedexekirina asmanî li ber firokên wî, her roj bi dehan qurbanî ji miletê Sûrî diçin. Divê civaka Navdewletî helwesteke piraktîkî bistîne ji bo ferizkirina herêmên qedexekirinê da rê li ber tawankariyên Esed bigire. Û çareseriya siyasî li gora daxuyaniya Cinêvê deyne û rewşê ji damezirandina Desteya Desthilatdariya veguhêz re amade bike, ya ko divê li ser têgeh û lihevkirinên daxuyaniya Cinêvê û biryarên navdewletî bibe. Da ko Serpereştiya miletê Sûrî bike û armanên gel di azadî, rûmet û dadiyê de misoger bike.
Salim Elmislit
Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê
09.06.2015
